Масъул муҳаррир

10
BOSHLANG‘ICH SINFLARDA ONA TILINI O‘QITISH METODIKASI
Matqosimova Havasxon Olimovna
Andijon viloyati Asaka tumani 
57- umumta’lim maktabi boshlang‘ich sinf o‘qituvchisi
Telefon: [phone] [e-mail]
Annotatsiya: Ushbu maqolada jamiyatda til asosiy aloqa vositasi, u orqali borliqni oqilona va 
mantiqiy bilish mumkin haqida fikrlar va boshlang‘ich sinflarda ona tili fanini o‘qitish metodikasi 
va ona tili fanining ahmiyati haqida so‘z yuritiladi. 
Kalit so‘zlar: Borliq, mantiqiy, jamiyat, til, nutq, tafakkur, uzviy, metodika, grammatika, 
imlo, elementar, fonetika, husnixat, grafik, leksika, sintaktik, morfologik 
Ma’lumki, jamiyatda til asosiy aloqa vositasi hisoblanadi. Til rivojlansa, jamiyat rivojlanadi. 
U orqali borliqni oqilona va mantiqiy bilish mumkin. Til birliklari yordamidagina tushunchani 
muhokama va xulosalash mumkin. Bilamizki, til va nutq tafakkur bilan uzviy bog‘liq. Tilni 
o‘rganish va nutqni o‘stirish bilan o‘quvchilarda fikrlash qobiliyati ham o‘sib boradi.
Boshlang‘ich sinflarda ona tili o‘qitish metodikasi fanining predmeti o‘quvchilarga o‘zbek tilini 
o‘rgatish yo‘llari va vositalari, ona tilini egallash, ya’ni nutqni, o‘qish va yozishni, grammatika 
va imloni o‘zlashtirib olish to‘g‘risidagi ilmdir[1.3-bet]. O‘quvchilarda, xususan boshlang‘ich 
sinf o‘quvchilarida ona tilini va savodxonlikni oshirish borasida bir necha xil metodika bor:
1. Savod o‘rgatish metodikasi, ya’ni elementar o‘qish va yozishga o‘rgatish. Bolalarga 
savod o‘rgatish pedogogika fanidagina emas, balki ijtimoiy hayotda ham juda jiddiy masala 
hisoblanadi. Chunki xalqning savodxonligi mustaqillik uchun, siyosiy onglilik uchun, madaniyat 
uchun kurash qurolidir.
2. O‘qish metodikasi. Boshlang‘ich sinflarda o‘qish predmetining vazifasi bolalarni to‘g‘ri, 
tez (me’yorida), ongli va ifodali o‘qish malakalari bilan qurollantirish metodikasi hisoblanadi.