Масъул муҳаррир: академик Т. Н. Долимов, г м. ф д., проф. Тақризчилар

12-расм. Сатурн атрофидаги ҳалқалар тизими. www.galspace.spb.ru.
Сатурн Қуёш тизимида бақувват ҳалқалар тизимига эга. Бу ҳалқаларнинг четлари сайёра экваторидан 6,6 минг ва 121 минг км масофаларда жойлашган (12-расм). Ҳалқалар ўлчами бирнеча микрон-дан бирнеча сантиметрга борувчи муз, тошли жинслар ва темир оксидларининг зарралардан таркиб топган.
Сатурн атмосфера-сининг устки қатламлари 93 % водороддан ва 7 % гелийдан таркиб топган. Метан, сув буғи, аммиак ва бошқа баъзи газларнинг қўшимчасига эга. Атмосферасининг устки қисмидаги аммиакли қатламлар Юпитерни-кига нисбатан қалинроқ.
Сатурн атмосфера-сининг чуқурлигида босим ва ҳарорат ошиб боради ва водород аста-секин суюқ ҳолатга ўтади. 30 минг км чуқурликда эса водород метал ҳолига айланади (босим 3 миллион атмосферага етади).
Сатурн йўлдошларининг орасида энг каттаси Титан ҳисобланади. Олимлар бу сайёрадаги шароитлар 4 миллиард йил илгари Ерда эндигина ҳаёт пайдо бўла бошлагандагига ўхшаш деб тахмин қилишади.


Уран

Уран - Қуёшдан узоқлиги бўйича еттинчи ва катталиги бўйича Қуёш тизимида учинчи сайёра ҳисобланади. Уран, Юпитер, Сатурн ва Нептунга ўхшаш газли гигант ҳисобланади. У қадимий юнон худоси Уран шарафига номланган.

Уранда водород миқдори 83%, гелийники 15%, метанники эса 1,99% ни ташкил этади. Булардан ташқари аммиак, этан ва ацетилен излари топилган. Уран ва Нептун кўпгина хоссалари билан массив суюқ метали, водород қобиғисиз Юпитер ёки Сатурн ядросига ўхшаш. Шу туфайли Уранда аниқ ифодаланган ядро йўқ, ундаги моддалар деярли тенг тақсимланган. Сай-ёранинг мовий ранги атмосфера метани томони-дан қизил рангнинг ютилиши билан тушунтирилади. Уран диаметри 10 м гача етадиган ёғдуланмайдиган материя зарраларидан таркиб топган кучсиз, деярли кўзилғамас планетар ҳалқаларга эга (13-расм).