Mashinasozlik texnologiyasi

9. Galvanik qoplamalar – buyumlar yuzasiga elektrolitik cho’ktirish usulida qoplanadigan mkm ning ulushlaridan mm ning o’nlab ulushlarigacha qalinlikdagi metall plyonkalar. Galvanik nikellash va xromlash usullari keng tarqalgan.

10. Gupchak (stupitsa) – g’ildirakning o’q yoki val kirgiziladigan teshikli markaziy (qalin) qismi. G. Kegaylar yoki disk vositasida g’ildirak tojiga yoki chambaragiga mahkamlanadi.

11. Go’niya (ugolnik poverochniy) – asbob; u bilan mashina detallari sirtlarining o’zaro perpendikulyarligi tekshiriladi va belgilanadi. 90^o burchakka ega.

12. Dornlash (nem. Dorn- metall turum, dorn) (dornovaniye) – oldindan ishlov berilgan detal teshiklarini kalibrlash, mustahkamlash va sirtqi g’adir-budurligini kamaytirish uchun uning o’lchamidan kattaroq o’lchamli po’lat sterjen (dorn) yoki sharchani bosim ostida shu teshikdan o’tkazish.

13. Jo’valash (valtsovka)- 1) kesimi bir tekis yoki davriy o’zgaradigan prokat olish uchun chiviq yoki polasa tanavorlarni yoyish vallarida deformtsiyalash. Jo’valash natijasida tayyor detallar (mas., kompressor parraklari), shuningdek shtamplash uchun mo’ljallangan aniq tanavorlar olinadi. Quvirlarni zichlab kengaytiradigan bir necha (odatda, uchta) rolikli qurol. Markaziy konusi roliklarni quvur devorlariga siqib ichidan kengaytiradi.