«mashinasozlik texnologiyaSI» kafedrasi «mashinasozlikda innovatsion texnologiyalar» fanidan tajriba ishlarini bajarish bo’yicha uslubiy ko’rsatma

Ish joyiga xizmat ko’rsatish vaqti T_i.j.xiz- donabay vaqtning bir qismi bo’lib, ijrochining texnologik jihozlarni ishchi holatida saqlashi va ish joyiga xizmat qilishiga sarflanadigan vaqti.
Ommaviy ishlab chiqarishda ish joyiga xizmat ko’rsatish vaqti texnik va tashkiliy xizmat ko’rsatish vaqtlariga bo’linadi.
Texnik xizmat ko’rsatish vaqti T_tex - ish joyiga (jihozlarga) ushbu ma’lum bir ishni bajarish davrida xizmat ko’rsatish uchun sarflangan vaqt (eyilgan asboblarni almashtirish va uni sozlash, qirindilarni olib tashlash va texnologik operatsiyani bajarish davomida dastgohni sozlab turish va hokazolar). U asosiy vaqtga nisbatan foiz hisobida olinadi.
Tashkiliy xizmat ko’rsatish vaqti T_tash.xiz - ish smenasi davomida ish joyiga xizmat ko’rsatish uchun (smena boshida asboblarni ishlatish uchun joylashtirish va oxirida yig’ishtirib qo’yish, dastgohni ko’zdan kechirish, uni ishlatib ko’rish, moylash va tozalash kabi ishlar) sarflanadigan vaqt. Tashkiliy xizmat ko’rsatish vaqti operativ vaqtga nisbatan foiz hisobida olinadi.
SHaxsiy ehtiyojlar sarflangan vaqt T_shax.eht - donabay vaqtning qismi bo’lib, ishchining shaxsiy ehtiyojlari va (toliqtiradigan ishlarda) qo’shimcha dam olish uchun sarflanadigan vaqt. Odatda, bu vaqt bir ish smenasi vaqtining ikki foizidan oshmaydi va operativ vaqtga nisbatan foiz hisobida olinadi.
Vaqt me’yorining tuzilishi. Vaqt me’yori - tegishli malakaga ega bo’lgan bir yoki bir necha ijrochilar tomonidan ma’lum bir ishlab chiqarish sharoitida, ma’lum bir ish hajmini bajarish uchun reglamentlangan vaqt. Mashinasozlikda vaqt me’yori, odatda, texnologik operatsiya uchun belgilanadi.

Texnik jihatdan asoslangan vaqt me’yori T_d-k - ishlov berilayotgan partiyadagi mahsulotlarni tayyorlashtugallash vaqt me’yori T_t-t va donabay vaqt me’yori T_d yig’indisiga teng, ya’ni