«Машинасозлик технологияси асослари»

Ўрганилган материални мустахкамлаш учун саволлар.
1.
Детал юзасининг сифати қайси хусусиятлар билан 
тафсифланади.
2.
Юза сифатининг ахамияти нималар орқали ифодаланади? 
3.
Юза ғадир-будирлиги нима ва у қайси катталиклар билан 
тафсифланади?
4.
Юза ғадир-будирлигини камайтириш усулларини келтириб 
ўтинг?
5.
Юза ғадир-будирлигини қайси усуллар билан аниқланади? 

---

37 
5-БОБ
МАШИНА ДЕТАЛЛАРИ УЧУН ХОМАШЁ ТУРЛАРИ. МЕХАНИК ИШЛОВ БЕРИШДА 
ҚЎЙИМЛАР 
5.1. Хомашё турлари 
Машина деталлари учун хомашё қуйидаги кўринишлардан 
иборат бўлиши мумкин: 
1)
чўян, пўлат, рангли металл ва пластмассалардан 
тайёрланган қуймалар; 
2)
болғаланган ва штампланган хомашё; 
3)
пўлатдан совутилган ва қиздирилган холларда 
тайёрланган прокатлар ва рангли металл-прокатлари. 
Хомашёнинг тури унинг материалига, шаклига, Деталнингнг 
хизмат вазифасига ва машиналарда йиғилган холда ишлаш шарт-
шароитларига боғлиқ бўлади. 
Шаклдор деталлар ишлаш жараёнида чўзилиш ва эгилиш 
таoсирида бўлмаса одатда чўянлардан тайёрланади. 
Болғалаш ёрдамида эгилишга, чўзилишга буралишга ишловчи 
ва кўндаланг кесими бўйича ўлчамларида фарқ бўлган металларнинг 
хомашёлари тайёрланади. Болғалаш билан катта ўлчамли деталлар 
учун донали ва кичик серияли ишлаб чиқариш шароитида ёки бошқа 
холларда кичик деталлар учун хомашё тайёрланади. 
Штампланган хомашё штамплаш машиналарида олинади. 
Штампланган металлнинг структураси бир хиллиги билан ажралиб 
туради. Шатмпланган хомашёнинг шакли детал шаклига жуда яқин 
бўлиб, айрим холларда механик ишлов берилмайди (деталларнинг 
айрим юзалари назарда тутилмоқда) . Бу ўз навбатида металл 
сарфини камайтиради. Штамплаш жараёнининг иш унумдорлиги 
болғалашга нисбатан анча юқори. Ишчининг малакаси хам 
болғалашга нисбатан паст бўлиши мумкин. Штамплаш йўли билан 
серияли ва ялпи ишлаб чиқариш шароитларида қўл келади. 
Айлана, квадрат, олти бурчакли прокатлардан тайёрланган 
хомашё ўз шакли бўйича юқоридаги кўринишларга яқин бўлган 
деталлар тайёрлашда қўлланилади. 
Қайси турдаги хомашёни танлаш уни техник-иқтисодий 
кўрсаткичларини хисоблаб чиқилгандан сўнг амалга оширилса 
мақсадга мувофиқ бўлади. 
5.1, 5.2, 5.3-расмларда қуйма, штампланган ва прокатдан 
тайёрланган хомашёлар акс эттирилган. 

---

38 
5.1-Расм. Қуйма кўринишдаги чўяндан тайёрланган втулка хомашёси. 
5.2-расм. Штампланган 
подшипникларнинг ички 
халқасини хомашёси. 
5.3-расм. Прокатдан олинган винт хомашёси. 

---

39