«Машинасозлик технологияси асослари»

I – БЎЛИМ 
МАШИНАСОЗЛИК ТЕХНОЛОГИЯСИ АСОСЛАРИ 
1-БОБ
АСОСИЙ ТУШУНЧАЛАР 
1.1. Ишлаб чиқариш ва технологик жараёнлар. 
Ишлаб чиқариш жараёни хом ашёдан ёки чала махсулотдан 
тайёр махсулот олиш учун бажариладиган барча жараёнлар (ишлар) 
йиғиндисидан иборат. 
Ишлаб чиқариш жараёнига фақатгина асосий жараёнлар: 
машина деталларига механик ишлов бериш уларни йиғиш кирмасдан, 
балки ёрдамчи турдаги жараёнлар: деталларни ташиш, назорат қилиш, 
кесувчи асбоблар ва мосламаларни тайёрлаш каби жараёнлар хам 
киради. 
Технологик жараён
материал ёки хомашёдан тайёр махсулот 
олиш мақсадида уларнинг шаклини, ўлчамларини ва хусусиятларини 
белгиланган техник талаблар асосида кетма-кет ўзгартиришдан 
иборат. 
Механик ишлов бериш
технологик жараёни ишлаб чиқариш 
жараёнининг бир қисмидир. Ишлаб чиқариш жараёни қуйидаги 
даврлардан иборат бўлади: 
1)
хомашё тайёрлаш – қуйиш, болғалаш, штамплаш ёки 
прокатдан тайёрланадиган материалларга бирламчи 
ишлов бериш; 
2)
машина деталларини якуний шакл ва ўлчамларга 
келтириш учун металл кесиш дастгохларида ишлов 
бериш; 
3)
йиғма бирикмалар, агрегатлар ёки механизмларни 
хосил қилиш; 
4)
машина ёки махсулотни якуний йиғиш; 
5)
машина ёки махсулотни созлаш ва синаш; 

---

6 
6)
машина ёки махсулотни бўяш ва уларни консервация 
қилиш. 
Ишлаб чиқаришда бажариладиган технологик жараёнларнинг 
барча амалларида техник назорат ўтказилади. Техник назорат 
ўтказишдан мақсад махсулотни талаб қилинган техник шартларга 
жавоб бера олишини текширишдан иборат. 
Механик ишлов бериш технологик жараёни кам материал ва 
мехнат ресурсларини сарфлаган холда талаб этилган техник шартлар 
асосида тайёр махсулот яратишга қаратилган бўлиши керак. 
Технологик жараёнлар ГОСТ 1.109-73 асосида лойихали, 
ишчи, донавий, намунавий, стандарт, вақтли, тараққий характердаги 
(келгусида қўлланилувчи), маршрутли, амал учун ва маршрутли-
амалли бўлиши мумкин.