Mashinalarni traktorga ulash usullari va qurilmalari, ularni tuzilishi va ishlashi

Yakka tartibda daraxt ko‘chatlarini o‘tqazish uchun avvalo maxsus chuqur qazgichlar yordamida chuqur qaziladi va unga qo‘lda qo‘chat ekiladi.
Ko‘chat ekish uchun alohida dumaloq shakldagi chuqurcha kovlanadi. Chuqurchaning o‘lchamlari ekiladigan ko‘chat va tuproq turiga qarab turlicha qabul qilinadi.Chuqurchaning chetlari tekis, devori tik bo‘lishi kerak.
Burg‘ulovchi chuqur kovlagichning ishchi qismi aylanuvchan vintsimon burg‘i 1(2.16-rasm) hisoblanadi. Burg‘ining pastki uchiga iskanasimon parma 9 joylashtirilgan. Turli o‘lchamli chuqurchalarni tayyorlash uchun, mashinada bir nechta almashuvchan (diametri 30 sm dan 80 sm gacha) vintsimon burg‘ila mavjud. Burg‘i yerga botib, tuproqni chuqurchadan yuqoriga chiqarib tashlashi uchun, uni majburan aylantirish, kerak bo‘lsa pastga bosib botirish lozim. Burg‘ining vali maxsus reduktor 8 ga ulanib, undan aylanma harakat oladi. Reduktorga esa harakat traktorning orqa quvvat olish validan kardan val 5 orqali keltiriladi. Chuqurchani kovlash uchun traktorning osish moslamasi yordamida burg‘i yerga tushiriladi va uni harakatga keltiriladi. Burg‘i lemexchasi yerdan yupqa qirindi ko‘rinishida tuproqni ajratib oladi. Qirindi tuproq vintsimon parraklar yordamida yuqoriga ko‘tarilib beriladi. Ko‘tarilgan tuproqni irg‘itkich 7 yon tomonga surib tashlaydi. Burg‘ini yerga tik kirishini ta’minlash uchun, ustki tortqi 4 ning uzunligi maxsus vint-gayka yordamida kerakli o‘lchamgacha o‘zgartiriladi. Burg‘ining yerga botish darajasi, ya’ni chuqurchaning chuqurligi cheklagich 6 ning uzunligini o‘zgartirish hisobiga o‘zgartiriladi. Agar cheklagich uzunroq qilib qo‘ylsa, u yerning yuzasiga ertaroq tegib, burg‘ining botishini to‘xtatadi. Amalda, cheklagichning uzunligi o‘zgartirilib bir nechta chuqurcha kovlab, ularning chuqurligi o‘lchanadi. Kerakli chuqurlikka yetgandan so‘ng cheklagich uzunligi qoldiriladi.

r
36. . Meva va uzum hosilini yig‘ib olish usullari

va kerakli inventarlar

Meva va uzumlar asosan ikki usulda: 1) uzoq muddatga saqlanadigan mevalar qo‘lda maxsus jihozlar yoki meva yig‘adigan platformalardan foydalanilgan holda; 2) texnik qayta ishlov berishga mo‘ljallangan yoki tezda iste’mol qilinadigan mevalar esa maxsus yig‘ish kombaynlari bilan yig‘ib olinadi.

Qo‘lda ishlatiladigan bog‘ jihozlariga meva yig‘ish sumkalari, ilgaklar, tok keskich, narvonlar, pnevmatik kesgich yoki tebranuvchi qurilmalar kiradi.
Yerga to‘kilgan mevalar pnevmatik, mexanik va kombinatsiyalashgan mashinalar bilan terib olinadi.Pnevmatik terib olgichlar mevalarni havo oqimi yoki vakuum so‘rg‘ichlar yordamida surib oladi. Bunday mashinalar ko‘p energiya talab etadi va mevalarni turli xildagi chiqindilar bilan birga terib oladi.