Бирламчи мустаҳкамлаш босқичида дастлаб ўқитувчининг ўзи янги назарий материалга доир реакция тенглама ёки масалани намойиш усулига кўра доскада ечиб кўрсатади. Сўнг эса доскада бирор ўқувчи ўқитувчи кўмагида “тета-поя” усулига кўра кейинги масалани ечади. Охирида жуфтликда ёки гуруҳларда ишлаш усуллари ёрдамида янги мавзу мазмунини англашга қаратилган ўқувчилар фаолияти ташкил қилинади.
Иккиламчи мустаҳкамлаш босқичида якка тартибда ишлаш усулига асосида ўқувчиларнинг ўзлаштирган билим ва кўникмалари ўзлари текшириши ва баҳолаши мақсадида кичик мустақил иш ташкил қилинади.
Умумлаштириш босқичи мустаҳкамлаш босқичининг мантиқий давоми бўлиб, унда ҳам юқоридаги усуллар ёрдамида янги ортттирилган билимлар жамланади, янги мавзуга оид такрорлаш машқлари асосида янги кўникмалар ривожлантирилади, улардан кейинги дарсларда фойдаланиш имкониятлари аниқлаштирилади.
Дарсга якун ясаш ва уйга вазифа босқичида эса янги билимлар ва уларнинг муҳим қирралари яна бир бор ёдга солинади, фаолият натижалари баҳоланади ҳамда уйга вазифа аниқлаштирилади. Уйга вазифани бажариш бўйича тегишли маслаҳатлар берилади.
Кимё дарсига қўйиладиган замонавий талаблар:
Кимё таълими мураккаб ва ўта муҳим босқичдир: яхши (сифатли) дарс бериш - тажрибали ўқитувчи учун ҳам осон иш эмас.
Ана шу муносабат билан кимё дарсларига қуйидагича талаблар қўйилади:
Дарснинг мақсадларига эришиш аниқ йўналтирилган бўлиши лозим.
Мазмуннинг илмийлиги, айнан ўқувчиларга кимёнинг асосий тушунчалари, қонунлари ва далилларини назарий жиҳатдан тўғри ёритиш.
Дарснинг юксак ғоявий-сиёсий савияси ўқувчиларда илмий дунёқарашни шакллантиришга хизмат қилсин.
Предметлараро боғлиқликни ҳисобга олиб ўқитишни таъминлаш.
Ўқувчиларнинг мантиқий тафаккурлаши, уларни ижодий қобилиятларини ривожлантиришнинг энг муҳим шартларидан бири бўлган ўқув жараёнининг муаммоли тизими учун мазмун ва ўқитиш методларининг барча имкониятларидан фойдаланиши.
Дарснинг мақсади ва ўқув материалининг мазмунига мос келувчи етарли қийинчилик даражасида ўқитишни ўқувчиларга мослиги, мувофиқлигини таъминловчи ўқитишнинг турли хил методларини чоғиштириш, кимёвий экспрементининг барча турлари ҳамда ўқитиш воситалари мажмуасидан фойдаланиш.
Дарсда ўқувчиларнинг мустақил ишларининг салмоғини ошириш, фронтал, гуруҳ бўлиб ва якка тартибда бажариладиган ўқувчиларнинг ишларини чоғиштириш.
Дарснинг барча қисмлари бир-бирига мос келиши, улар асосий дидактик мақсадга мос буйсуниши ҳамда ўқув вақтидан оқилона фойдаланиш керак.
Дарсда ўқитувчи ва ўқувчининг ўзаро ишончи, самимиятига асосланган сокин иш муҳити бўлиши лозим. Дарснинг мақсади ва унинг предмет мазмуни давлат дастури ва дарслик билан аниқланади. Шу билан бирга, ўқитувчи дарсга тайёрланаётган пайтда қўшимча материаллардан фойдаланиш имконига эга. Аммо, муҳими, бу танланган материаллар ўқувчи ёшига мос ва бу дастурда белгиланган тушунчалардан ташқари қўшимча тушунчаларни қамраб олмаслик зарур. Иллюстратив материал эса дарсда асосий материални ўзлаштиришга халақит бермаслиги керак.
Do'stlaringiz bilan baham: |