Маъруза режаси: Кириш. Аналитик кимё фанини ривожланиши

Метод	Намуна миқдори мг	Эритманинг ҳажми мл
Аниқланадиган модда миқдори мг
1. Макро-	 100	10	10-1
2. Яриммикро-	100-10	10-1	10-1-10-2
3. Микро-	10-1	1-10-1	10-3

Модда эритмасининг солиштирма оғирлигига қараб, эритмадаги ишқор. кислоталарнинг фоиз миқдорини аниқлаш мумкин. Миқдорий анализ қилинаётган моддаларнинг миқдорига қараб яна бир нечага (макро-. яриммикро-, микро-, ультрамикро-) бўлиниб кетади. Уларнинг назарий асослари аввалгидек, лекин идишлар, пипеткалар, тарозилари бошқача бўлади. Анализга олинадиган миқдорлар қуйидаги жадвалда келтирилган.
Айниқса анализ қилинадиган модданинг миқдори кам бўлса, бу методлар жуда қўл келади. Лекин ишни бажаришда методда кўрсатилган барча кўрсатмаларга амал қилмоқ лозим.
1.3.1.Анализ методлари.
Анализда олинган натижалар модданинг физик хусусияти сифатида фақат массаси, ҳажми ёки ҳар иккиси ўлчанса, кимёвий методлар дейилади. Қолган хусусиятлари ўлчанса физик ёки физик-кимёвий методларга киради. Анализнинг кимёвий методлари 3 қисмга-гравиметрик анализ, титриметрик анализ ва газ анализи методларига бўлинади.
а)Гравиметрик анализ.
Анализ вақтида элемент ёки бирикманинг массаси ўлчанса гравиметрик анализ дейилади. Ўз навбатида у яна учга бўлинади:
Чўктириш методлари, ҳайдаш ва электрогравиметрик методлар бўлиб, энг асосийси чўктириш методи ҳисобланади. Бу метод макрокомпонентларни аниқлашда ишлатилади. Методнинг аниқлиги юқори, осон бажарилади, қиммат асбобларни талаб қилмайди. Камчилиги-узоқ вақт талаб қилади.