Ma’ruza mavzusi: embriologiya – 2 soat

---

Ma’ruza mavzusi: EMBRIOLOGIYA – 2 soat 
Ma’ruza rejasi 
1. Jinsiy hujayralar 
2. Urug‘lanish 
3. Maydalanish 
4. Gastrulyatsiya 
5. Homila varaqlarining differensirovkasi 
6. Provizor a’zolarining hosil bo‘lishi, tuzilishi faoliyati 
7. Yo`ldosh 
8. Embriogenez rivojlanishining kritik davrlari 
Embriologiya- homila rivojlanishi haqidagi fan. Bundan tashqari u anomaliyalarning rivojlanishi 
sabablarini, embriogenezning regulyatsiyasini, organogenez jarayonlarini o‘rganadi. 
Embriogenez – bu urug‘lanishdan to tug‘ilgunga bo‘lgan davr. Embriogenezning 3 ta davri 
bo‘ladi: 1) boshlang‘ich – urug‘lanishdan 1 xafta keyin; 2) pusht davri – 2-8 xafta; 3) homila 
davri (yo‘ldoshning hosil bo‘lishi, to‘qimalarning differensirovkasi). Gametogenez – jinsiy 
hujayralarning hosil bo‘lishi. U 4 ta bosqichga bo‘linadi: 1) birlamchi jinsiy hujayralarning hosil 
bo‘lishi va ularning jinsiy bezlardagi migratsiyasi; 2) jinsiy hujayralarning jinsiy bezlarda mitoz 
yuli bilan ko‘payishi; 3) ayol va erkaklarda meyoz bo‘linish va gaploid hujayralarning hosil 
bo‘lishi; 4) urug‘lanishga moyil bo‘lgan jinsiy hujayralarning yetilishi va shakllanishi. 
Sut emizuvchilarda birlamchi jinsiy hujayralar entodermaning sariqlik qopchasida (provizor 
a’zo) paydo bo‘ladi va jinsiy hujayralar charvining darsal qismi bo‘ylab ko‘chadi (migratsiya 
bo‘ladi). Jinsiy hujayralarning mitotik bo‘linishi tuban hayvonlarda butun umri davomida 
kuzatiladi. Odamda esa bu jaraѐn erkaklar va aѐllar jinsiy hujayralarida turlicha ro‘y beradi. 
Ayollar jinsiy bezlarida ularning ko‘payishi faqat embriogenez davrda bo‘ladi. Tug‘ilishdan 
oldin mitotik bo‘linish to‘xtaydi va ular 1 meyozning profaza bosqichiga kiradi, Meyozning 2 
bo‘linishi esa jinsiy balog‘at davrida ro‘y beradi. Erkaklarda jinsiy bezlarida mitoz homilaning 
ilk rivojlanish bosqichlarida boshlanadi va umr bo‘yi to‘lqinsimon kechadi. Ularning yetilishi 
jinsiy balog‘at davrida boshlanadi.