Ma’ruza mavzulari 1-Modul. Neft-gazkimyo sanoati tavsifi va taraqqiyoti

6-Mavzu. O'zbekistonda mavjud gazni qayta ishlash zavodlari va gazkimyo majmualari

Reja:

1. 
   O'zbekistonda gazni qayta ishlash korxonalari.
   
2. 
   Muborak gazni qayta ishlash zavodi, xomashyo manbalari, mahsulotlari, ularga qo'yilgan sifat talablari.
   
3. 
   Uchqir gazni oltingugurtdan tozalash qurilmasi xomashyo manbalari, mahsulotlari, ularga qo'yilgan sifat talablari.
   
4. 
   Qandim gazni qayta ishlash majmuasi, xomashyo manbalari, mahsulotlari, ularga qo'yilgan sifat talablari.
   
5. 
   Sho'rtan gaz-kimyo majmuasi, xomashyo manbalari, mahsulotlari ularga qo'yilgan sifat syertifikat talablar.
   
6. 
   Ustyurt gaz-kimyo majmuasi, xomashyo manbalari, mahsulotlari, ularga qo'yilgan sifat talablari.
   

1. O'zbekistonda gazni qayta ishlash korxonalari.

2013 yilda O’zbekiston gaz sanoatiga 60 yil to’ladi. 1951 yilda respublikada geologik va geofizik tadqiqotlarning kuchayishi bilan bir qatorda Neft va gaz to’planishi uchun qulay geologik tuzilishga ega maydonlarni aniqlash maqsadida strukturali burg’ilash ishlari boshlandi. 1953 yilda Setalantepa maydonida struktura burg’ quduqlaridan birida ochiq gaz favvorasi olindi. Bu favvora ushbu hududda hamda Buхoro viloyatining boshqa rayonlarida chuqur razvedka burg’ilashini davom ettirishga turtki bo’ldi.