Ma`ruza mashg`ulotlarida innovatsion ta`lim texnologiyasini loyihalashtirish va rejalashtirish qoidalari

Rivojlanishni erishilgan darajasi. O’zbekiston Respublikasi Davlat Mustaqilligiga erishib, iqtisodiy va ijtimoiy rivojlanishning o`ziga xos yo`lini tanlashi kadrlar tayyorlash tuzilmasi va mazmunini qayta tashkil etishni zarur qilib qo`ydi va qator chora tadbirlarni ko`rdi : «Ta’lim to`g`risida»gi qonunni joriy etilishi (1992 y) yangi o`quv rejalari, dasturlari, darsliklarni joriy etishni, zamonaviy didaktik ta’limotni ishlab chiqishni; o`quv yurtlarini attestatsiyadan o`tkazishni, yangi tipdagi ta’lim muassasalarni tashkil etishni taqozo qildi.

Yangi tipdagi maktablar va umumta’lim o`quv yurtlari rivojlanib bormoqda. Xozirgi kunda 238 litsey va 136 gimnaziya ishlab turibdi. Xunar texnika tizimini qayta tashkil etishga kirishildi. Xozirgi kunda bu tizimda 221000 kishi ta’lim oladigan 442 o`quv yurti, jumladan, 209 kasb-xunar maktabi, 180 kasb-xunar litseyi va 53 biznes maktabni ishlab turibdi.

Respublikada 197 ming kishi ta’lim olayotgan 258 o’rta kasb-xunar ta’limi o`quv yurti ishlab turibdi. Ularda 16 ming o`qituvchi va muxandis pedagoglar ishlaydi.

Kadrlar tayyorlash tizimining demokratik o`zgarishlar va bozor isloxotlari talablariga muvofiq emasligi, o`quv jarayonining moddiy-texnika va axborot bazasi yetarli emasligi, yuqori malakali pedagog kadrlarning yetishmasligi, sifatli o`quv-uslubiy va ilmiy adabiyot, xamda didaktik materiallar kamligi, ta’lim tizimi, fan va ishlab chiqarish o’rtasida puxta o`zaro foydali integratsiyalarning yo`qligi kadrlar tayyorlashning mavjud tizimidagi jiddiy kamchiliklarga kiradi.