Ma’ruza mashgulotlari ma’ruza №11

4.7.3. Yuqori temperaturali organik suyuqlik
va ularning bug‘lari bilan isitish
Ushbu guruh issiqlik eltkichlariga quyidagi organik moddalar kiradi: glitserin, etilenglikol, naftalin, difenil efiri, difenilmetan, ditolilmetan, difenil va polifenollarni xlorlash mahsulotlari, mineral moylar, tetraxlordifenil, kremniy organik birikmalar va hokazolar.
Sanoatda eng keng tarqalgan yuqori temperaturali organik suyuqliklardan biri difenil aralashma (26,5 - difenil va 73,5% - difenil efiri) sidir. Ushbu issiqlik eltkich sirkulyasion usulda isitish uchun ishlatiladi va erkin sirkulyasiya sharoitida issiqlik berish koeffitsienti 200...350 Vt/(m²K).
Difenil aralashmasining asosiy afzalliklaridan biri shundaki, yuqori bosim ishlatmasdan turib yuqori temperaturalar olish mumkinligidir. Masalan, 300°S temperaturada suv bug‘ining bosimi 87,6 at bo‘lsa, difenil aralashmasida esa - atigi 2,4 at.
Ushbu guruhdagi organik suyuqliklar yordamida 250...400°S temperaturagacha isitish mumkin.
Suv yoki boshqa issiqlik eltkichning isitish uchun ketgan sarfi issiqlik balansidan aniqlanadi:
(4.112)
bu erda G_cva G_m - suv va mahsulotning massaviy sarflari, kg/soat; s_sva s_m - suv va mahsulotning issiqlik sig‘imlari, kJ/(kgK); t_sb va t_mb - suv va mahsulotning boshlang‘ich temperaturalari, °S; t_sox va t_mox- suv va mahsulotning chiqishdagi temperaturalari, °S; Q_yo‘q– atrof muhitga issiqlikning yo‘qotilishi, kJ/soat.
(4.112) dan suvning sarfini topish mumkin:
(4.113)
4.7.4. To‘yingan suv bug‘i bilan isitish
Ushbu usulda isitish amaliyotda keng miqyosda qo‘llaniladi. Bunga uning quyidagi afzalliklari sababchidir: kondensatsiyalanish jarayonida juda katta miqdorda issiqlik ajrab chiqadi (2024...2264 kJ/kg); kondensatsiyalanayotgan bug‘dan devorga issiqlik berish koeffitsienti juda yuqori; isitish bir tekisda sodir bo‘ladi.