Маъруза машғулотининг технологик картаси

Қонуннинг янги таҳрири
2013 йил 10 апрелда эса Ўзбекистон Республикасининг "Йўл ҳаракати хавфсизлиги тўғрисида"ги Қонунига ўзгартириш ва қўшимчалар киритиш ҳақида"ги Ўзбекистон Республикасининг ЎРҚ -348–сонли Қонуни қабул қилинди.
Қонун 31 моддадан иборат бўлиб, унда йўл ҳаракати хавфсизлигининг барча қирралари тўлиқ қамраб олинган. Қонун маҳаллий давлат ҳокимияти органларининг йўл ҳаракати хавфсизлигини таъминлаш соҳасидаги ваколатлари, транспорт воситалари эгаларининг йўл ҳаракати хавфсизлигини таъминлаш борасидаги мажбуриятлари, фаолияти транспорт воситаларидан фойдаланиш билан боғлиқ бўлган юридик шахслар ходимларини ўқитиш, мазкур ходимлар малакасини ошириш, уларга йўл–йўриқ кўрсатиш ва уларнинг билимларини текшириш, йўл ҳаракати қатнашчиларининг ҳуқуқ ва мажбуриятлари, шу билан бирга, йўл ҳаракати тўғрисидаги қонун ҳужжатларини бузганлик учун жавобгарлик сингари кўплаб муҳим масалалар алоҳида ўрин олган.
"Йўл ҳаракати хавфсизлиги тўғрисида"ги Ўзбекистон Республикаси Қонунининг асосий мақсад ва вазифаларидан келиб чиққан ҳолда, шуни таъкидлаш жоизки, ҳаракат хавфсизлиги бутун жаҳон жамоатчилигини ташвишга солаётган муаммолардан бири бўлиб, у катта ижтимоий ва иқтисодий масаладир.
Қонунга киритилган ўзгартириш ва қўшимчалар
2013 йил 10 апрелда эса Ўзбекистон Республикасининг "Йўл ҳаракати хавфсизлиги тўғрисида"ги Қонунига ўзгартириш ва қўшимчалар киритиш ҳақида"ги Ўзбекистон Республикасининг ЎРҚ – 348 – сонли Қонуни қабул қилинди. Қонунда ҳайдовчиларни тайёрлаш, транспорт воситаларини бош қариш ҳуқуқининг бекор қилиниши, йўл ҳаракати хавфсизлиги соҳасидаги низоларни қонун ҳужжатлари асосида ҳал этиш ва йўл ҳаракати хавфсизлиги тўғрисидаги қонун ҳужжатларини бузганлик учун жавобгарлик масалалари баён этилган.
“Таълим тўғрисида”, “Кадрлар тайёрлаш миллий дастури тўғрисида”ги Ўзбекистон республикасининг қонунлари Ўзбекистон Республикасининг “Таълим тўғрисида”, "Кадрлар тайёрлаш миллий дастури тўғрисида", "Ҳаракат хавфсизлиги тўғрисида"ги Қонунларида ҳам автомототранспорт воситалари ва шаҳар электр транспорти воситалари ҳайдовчиларини тайёрлаш, қайта тайёрлаш ва малакасини ошириш бўйича тегишли талаблар қўйилган.
Чунки автомобиль ва йўл – транспорт соҳасининг юқори суръатлар билан ривожланиши ўз навбатида унинг ҳуқуқий базасини мустаҳкамлаш, йўлларда ҳаракатни ташкил қилиш, ҳаракат хавфсизлигини таъминлаш, кадрлар тайёрлаш ва бошқа ёрдамчи соҳаларни кенг ривожлантиришни ва уларни бир тизимга солишни тақозо этади.