Маъруза машғулотининг технологик картаси

намунавий ўқув дастури
1-мавзу. Ҳаракатланувчи таркиб ишининг асосий кўрсаткичлари.
Юк ва йўловчи ташувчи автотранспорт воситаларининг техник-эксплуатация кўрсаткичлари: сон кўрсаткичлари (ташишлар ҳажми, йўловчи айланмаси, машина-соат иши); сифат кўрсаткичлари (техник тайёргарлик коэффициенти, йўналишга чиқиш коэффициенти). Ҳаракатланувчи таркибни йўналишга чиқариш бўйича белгиланган тадбирлар. Ҳаракатланувчи таркибни йўналишда бўлишининг давомийлиги. Ҳаракатланиш тезлиги, техник тезлик, эксплуатацион тезлик.
2-мавзу. Юк ва йўловчиларни ташишни ташкил этиш.
Юкларни марказлаштирилган ҳолда ташишни ташкил қилиш – юк автомобилларидан фойдаланишнинг асосий усули. Юкларни марказлаштирилган ҳолда ташишнинг самарадорлиги. Турли хилдаги юкларни ташишни ташкил қилиш.
Юк автомобилларидан фойдаланиш усуллари. Юкларни энг яқин йўллардан ташиш. Юк автомобилларида юкларни ташишнинг таннархини камайтириш йўллари.
Таксининг йўналишдаги иши. Йўловчиларни таксомоторда ташишни ташкил этиш. “Тиғиз” пайтда таксининг ишлаши. Болали йўловчиларни ҳамда ногиронлиги бўлган шахсларни ташишнинг ўзига хос хусусиятлари. Таксометрларнинг асосий турлари ва улардан фойдаланиш тартиби.
3-мавзу. Ҳаракатланувчи таркибнинг ишига диспетчерлик қилиш.
Ташишларга диспетчерлик раҳбарлигининг тизими. Диспетчерлик раҳбарлигининг марказлашган ва алоҳида тизимлари. Йўналишда ишлаётган автотранспорт воситасининг иши ва ҳаракат жадвалини бажарилишининг назорати. Йўналишда ишлаётган автотранспорт воситасининг ишига диспетчерлик раҳбарлиги. Йўналишда ишлаётган автотранспорт воситасининг ҳайдовчиси ва мижоз билан диспетчерлик алоқаси ва назоратининг техник воситалари.
Йўналишдан қайтганда йўл ёки йўналиш варақаси ва товар-транспорт ҳужжатларини расмийлаштириш ва топшириш. Ҳайдовчилар ишини тезкор ҳисобга олиш.
4-мавзу. Ҳайдовчининг меҳнат қилиш ва дам олиш режими.
Меҳнат тўғрисидаги қонунларнинг автотранспорт корхоналарининг ходимларига тааллуқли бўлимлари. Иш сменасининг давомийлиги. Ҳайдовчи ишининг сменали жадвали. Ҳайдовчининг иш ва дам олиш вақти тўғрисида тушунча. Тун вақтида ишлаш. Меъёрдан ортиқ ишлаш. Навбатчилик. Дам олиш ва байрам кунлари ишлаш. Иш вақтининг умумий ҳисоби. Меъёрдан ортиқ ишлагани учун ҳақ тўлаш.