Ma’ruza fanning predmeti, maqsadi va vazifasi

Yozma manbalar – inson tomonidan yozib qoldirilgan barcha manbalar.
Jang maydoni arxeologiyasi (Battlefield archaeology) – qadimgi janglar o’tgan maydonlarni tadqiq etuvchi arxeologiya.
Inson tomonidan yaratilgan manbalar: mehnat qurollari, qurol- aslahalar, kulolchilik buyumlari, san’at va zeb-ziynat buyumlari, qoyatosh rasmlari, yozma manbalar va h.k. Yozma manbalarni o’rganish bilan asosan tarixchilar shug’ullansalarda, arxeologlar kishilik o’tmishini o’rganishda moddiy manbalar bilan birgalikda yozma manbalarga ham tayanib ish ko’radilar.
Kompyuter arxeologiyasi – arxeologik manbalarni kompterda qayta ishlash arxeologiyasi. Asosan arxeologiyada GIS (Geografik informatsion sistemasi) ishlari bunga misol bo’ladi.
Landshaft arxeologiyasi – arxeologik yodgorliklar joylashgan hudud er tuzilishini o’rganadi.
Moddiy ashyoviy manbalar - o’tmishda inson qo’li bilan bunyod etilgan tarixiy jarayon izlarini o’zida aks ettiruvchi va kishilik jamiyati tarixini o’rganish imkonini beruvchi, hozirgi kungacha saqlangan har qanday osori atiqalar moddiy ashyoviy manbalardir.
Osteologiya – suyaklar ustida ilmiy tadqiqot ishlarini olib boradi.
Paleopotologiya – odamlar va hayvonlar orasidagi qadimgi kasalliklar ustida tadqiqot ishlarini olib boradi.
Reksiologiya – jangchi va jang ashyolarini tiklash arxeologiyasi
Suv osti arxeologiyasi – erning geografik, geologik, iqlimiy o’zgarishlar natijasida suv tubida qolib ketgan turar joy qoldiqlari(Qora dengiz, O’rta er dengizi) va suvga g’arq bo’lgan kemalar qoldiqlarini o’zining ish uslubi orqali tadqid etadi.
Sud arxeologiyasi – arxeologik qazuv metodlarini qo’llagan holda jinoiy ishlarni ochish arxeologiyasi. Asosan harbiy va jinoiy ishlarda qo’llaniladi.
Tabiiy manbalar (paleozoologiya, paleobotanika) - inson va hayvon suyaklari va o’simlik qoldiqlari geologik qatlamlar bo’lib, ularni asosan antropologlar, zoologlar, botaniklar va geologlar o’rganadilar.