Ma’ruza №1. Mexatronikaga kirish Reja: «Mexatronika»

Ma’ruza №1. Mexatronikaga kirish

Reja:

1. 
   «Mexatronika» nima?
   
2. 
   Mexatronik tizimining tarkibi va asosiy maqsadlari.
   

«Mexatronika» atamasi 1969 yilda Yaponiyada paydo bo'ldi. Yaponiyada bu vaqtda dasturli boshqariladigan stanoklar va markazlar uchun pretsizion (ingl. precision - aniqlik) elektrdvigatellar ishlanmalari tayyorlanayotgan edi. Atama muallifi - Tetsuro Moria "YASKAWA ELECTRIC" kompaniyasining katta muhandisi. Bu atama mashina va agregatlar ishchi organlarini va elektron yarim o'tkazgichli o'zgartgichlar bilan boshqariladigan elektromexanik uskunalar elektrodvigatelarini belgilash uchun ishlatilgan.

"Mexanika" va "elektronika" so'zlari birlashuvidan paydo bo'lgan «MEXAnika» va «elekTRONIKA». Bunday birlashuv texnikaning yangi avlodlarini yaratilishi va uskunalarining yangi ko'rinishlarini ishlab chiqish, ilm-fan va texnika jabhalardagi bilimlarni integratsiyasini anglatadi.

Mexatronika yaratilish bosqichida, bugungi kunda uning bazaviy terminologiyasi hali oxirigacha yaratilmagan. Shuning uchun mexatronika fanining maqsadini keng va tor(maxsus ) ma'noda ko'rib chiqish maqsadiga muvofiq.

Oxford Illustrated Encyclopedia quyidagi ta'rifni taklif etdi.

Mexatronika - yapon atama so'zi bo'lib, elektrotexnika, mashinosozlik va dasturiy ta'minot kesishmasida paydo bo'lgan texnologiyani izohlash uchun ishlatiladi.

Loyihalash va ishlab chiqarish masalalarini, hamda "aqlli", ya'ni oldindan belgilangan dastur asosida ishlaydigan mashinalarning funksiyalarini o'rganadi.

Vikipediyada quyidagi ta'rif berilgan:

Mexatronika yoki mexatronika mahsulotlarining injiniringi - raqobatbardosh mahsulotlarni loyihalash va ishlab chiqarish maqsadida mashinasozlik, elektronika, hisoblash texnikasi va avtomatik boshqaruv sohalarini birlashtirishdir.

Mexatronika - sohalararo tizimli texnik loyihalash bo'lib, sohalar bo'yicha alohida loyihalash ko'zga tutilmaydi.

Mexatronika - funksional harakatlari intellektual boshqariladigan yangi modullar, tizimlar, mashinalarni loyihalash va ishlab chiqarish maqsadida aniq mexanikani elektronika, elektronexnika va kompyuterli boshqarish komponentlari bilan sinergetik birlashtirish masalalarini o'rganadi.

Sinergiya grek. - "hamkorlik, ko 'maklashish, yordam " ma'nosini anglatadi.

1.1-rasm.Mexatronika ta'rifi sxemasi