Маъруза №1. Мавзу: Менежментнинг назарий ва амалий асослари

МАЪРУЗА №1.
Мавзу: Менежментнинг назарий ва амалий асослари.

1. 
   Бозор иқтисодиёти ва унда тиббиёт муассасаларини бошқаришнинг зарурлиги.
   
2. 
   Менежмент узи нима?
   
3. 
   Менежмент фанининг предмети.
   
4. 
   Менежмент объекти ва субъекти.
   
5. 
   Менежмент фани усуллари.
   
6. 
   Менежмент фанининг бошқа фанлар билан алокадорлиги.
   

7. Соғлиқни сақлашда менежментни қўллаш.

1. 
   Бозор иқтисодиёти ва унда тиббиёт муассасаларини бошқаришнинг зарурлиги.
   

Ўзбекистон Республикасининг бозор муносабатлари тизимига ўтиши ва соғлиқни сақлаш тизимини ислоҳ қилишнинг Давлат дастурини амалга ошириш соғлиқни сақлашда бошқаришнинг янги илмий асосланган йўналишларини - менежмент ва маркетинг тамойилларини қўллаш зарурлигини талаб қилади. Менежментнинг асосий концепцияларини тушуниш, уни қўллаш услуби каби соғлиқни сақлашни бошқариш жараёнига жалб этилган барча шифокорлар, ҳамширалар, доришунослар, бўлим бошлиқлари, соғлиқни сақлаш тизими рахбарлари ва маъмурлари учун зарур бўлиб қолди. Соғлиқни сақлашни ислоҳ қилиш шароитида мулкчилик шаклидан қатъий назар даволаш-профилактика муассасаларида ишловчи тиббиёт ходимлари бозор муносабатларининг тамойилларига итоат этган ҳолда иш фаолиятини юргизишни ўрганадилар. Бунда маркетинг ва менежмент бўйича олинган билимлар янги шароитга тезроқ мослашишга ёрдам беради.
Ушбу мавзуни ўқитиш соғлиқни сақлаш иктисодиёти, молия ва бухгалтерия ҳисоботи, психология ва хуқуқ фанларига оид билимларга асосланади. Дарс давомида олинган билимлар талабаларга рақобатли бозор шароитида тиббий муассасанинг стратегия ва тактикасини аниқловчи замонавий бизнес фалсафасини ўргатади.
Республикамиз бозор иқтисодиётига ўтиш муносабати билан кадрлар масаласини яхшилиш давр талаби бўлиб қолди. Республикада кадрларни танлаш ва уларнинг малакасини ошириш ишларини яхши йўлга қўйиш борасида бир қатор кўзга кўринарли ишлар амалга оширилди.
Республика Президенти И.А.Каримовнинг ташаббуси билан 1991 йилдан бошлаб республика шахарларидаги қатор заводлар раҳбарлари малакасини ошириш учун хорижий мамлакатларга юборилмоқда. Бу кўрилган тадбирлар республикамиз корхоналарида бозор муносабатларига жавоб берадиган рахбарларни тайёрлашга имкон яратди.
“МЕНЕЖМЕНТ” – “management” бу инглизча сўз бўлиб, инглиз тилининг Оксфорд луғатида берилган таърифига кура у:
- бошқарув ҳокимияти ва санъати:

• 
  ресурсларни бошқариш бўйича алоҳида мохирлик ва маъмурий кўникмаларни билдиради.