Маъруза 1: Кириш. Карьер атмосферасининг таркиби ва унга қўйиладиган талаблар. Карьер атмосферасини ифлосланиш омиллари

Маъзуа - 7: Карьер атмосферасига зарарли газларнинг
киришини камайтириш.


Скважинани бурғилашда газ ажралишининг жадаллашишини камайтириш.
Карьер атмосферасига газларнинг ажралиб чиқиши скважинани термик бурғилаш ускунаси билан бурғилаш пайтида содир бўлади. Келажакда скважинани бурғилашда бошқа бурғилаш усуллари ( булар портлаш, плазмали, дазерни қўллаб ва бошқалар) ни ҳам қўллаш мумкин. Кон жинсларини шундай емириш принципларида барпо этилган бурғилаш ускуналарининг ишлаш пайтида зарарли газларнинг жадал ажралиш эҳтимоли бор.
Термик бурғилашда улар билан курашиш учун комплекс тадбирлар ишлатилиши мумкин, ёнувчи аралашма компонентининг сарфини тўғри танлаш, ёқилғи ёнишининг жуда ҳам самарали усулини қўллаш, зарарли газларни суюлтириб юбориш, улар учун нейтрализаторларни қўллаш в.б.
Алоҳида компонентларнинг сарфи ҳаводаги газларнинг ҳажмдаги ҳиссасига ҳам таъсир этади. Углерод оксиди, альдегидлар ва азот оксидининг кўп маротаба камайиши оксидланиш коэффиценти 1,3 дан кўп бўлганда содир бўлади (расм 7.1).
Зарарли газлар ҳиссасининг, айниқса углерод оксидининг ёппасига камайиши форсункаларни такомиллаштириш ҳисобига ёқилғини жуда ҳам ингичка сочиш, шунингдек ёқилғи ёнишининг жадаллашиши учун ультратовушни қўллаш ва ёниш камерасининг оптимал параметрларини танлаш билан амалга ошиши мумкин.
Термик бурғилаш ускуналарининг ишлаш пайтида, ажралиб чиқаётган зарарли газлар билан кураш усулларидан бири, уларни нейтраллаш деб ҳисобланади. Кислород-керосин ёқилғисида ишлайдиган станоклар учун, бурғилаш пайтида ажралиб чиқаётган водород температуранинг катта диапазонларида портловчи аралашмани ҳосил қилиши мумкин бўлганлиги сабабли, ҳавони зарарли газлардан тозалашнинг паст температурадаги методлари керак. Бунда қуйдаги усуллар энг кўп қўлланилади: горелканинг ишлаш худудига нейтралловчи моддани совутадиган сув ёки ёқилғи билан биргаликда бериш, нейтралловчи аппаратни чангни ушлаб қолишнинг охирги босқичидан сўнг ўрнатиш, сув ёқилғи эмулцияларидан, шунингдек уларнинг комбинациясидан фойдаланиш.
Кислород-керосин ёқилғисида ишлайдиган ускуналар учун юқори температурали катализаторлардан ҳам фойдаланиш мумкин.
Термик бурғилашда скважинадан чиқаётган газнинг заҳрини камайтириш учун ёқилғига сув эмульциясини қўшиш жуда переспектив ҳисобланади. Бу усулнинг мазмуни шундан иборатки олов оқимли горелкада технологик ёқилғининг ўрнига ёқилғи ва сув эмульцияси ёнади.