Ma’ruza – To‘plami (I-II kurslar uchun) Bilim sohasi

Wisdom

Dualizm (lot. dualis – ikkiyoqlama) – olamning asosiniikki: moddiy va ruhiy substansiya tashkil etishini e’tirof etuvchi falsa­fiy tamoyil.	Dualizm	Dualism
Dunyoqarash – insonning mohiyati, tarixiy kelib chiqishi, dunyo­dagi o‘rni, o‘zligini anglashga xizmat qiladigan, olam va odam haqi­dagi bir butun qarashlar, g‘oyalar, baholar, tamoyillar tizimi.	Mirovozzrenie	world view
Etarli asos qonuni (lot. lex rationis determinantis siue sufficientis) - formal mantiq qonunlaridan biri bo‘lib, unga ko‘ra har qanday chin fikr isbotlangan bo‘lishi , to‘g‘riligiisbotlangan boshqa bir fikrga asoslanishi kerak.	Zakon dostatochnogo osnovaniya	law of sufficient reason
Zaruriyat – narsa va hodisalarning mohiyatini belgilovchiichki, muhim, turg‘un bog‘lanishlarni; muayyan sharoitda ularning muqarrar ravishda kelib chiqishini aks ettiruvchi falsafiy kategoriya. Tabiat va jamiyatda ob’ektiv qonunlar shaklida namoyon bo‘ladi. Zaruriyat tasodif kategoriyasi bilan uzviy bog‘liq. Narsa yoki hodisalarning mohiyatidan kelib chiqmaydigan, tashqi ta’sir va ikkinchi darajali omillar bilan bog‘liq bo‘lgan, ayni sharoitda yuz berishi ham, yuz bermasligi ham mumkin bo‘lgan hodisa tasodif deyiladi.	Neobxodimost	Necessity
Ibn Sino (980-1037)– sharq axloqshunosligining buyuk namoyan­da­si. Mutafakkir axloqni amaliy falsafa doirasiga kiruvchi naza­riya sifatida tushungan. Ibn Sinoning axloqiy qarashlari uning «Axloq ilmiga doir risola», «Burch to‘g‘risida risola»,«Nafsni po­ki­za tutish to‘g‘risida risola», «Adolat haqidagi kitob» asarlarida bayon etilgan. Ibn Sino asarlarida adolat, shijoat, iffat, himmat, saxiylik, qano­at, sadoqat, hayo, kamtarlik kabi axloqiy fazilatlarga; shuningdek ular­ning muqobili bo‘lgan: o‘g‘rilik, aldamchilik, fisqu fasod, nafrat, rashk, adovat, bo‘hton, irodasizlik, takabburlik, nodonlik kabi axloqiy illatlarga ham ta’rif bergan. Mutafakkir inson taqdirini, baxtini uning qilmishlari belgilaydi degan g‘oyaniilgari surgan.