Маъруза № [Маърузачи: Палванов Н. С.] Мавзу: комплекс бирикмалар. Мавзунинг мақсади

Биологик фаол комплекс бирикмалар.
Одам танасининг массасини 3%-зи металларга тўғри келади, лекин шунга қарамасдан одам организмида борадиган турли физиологик жараёнларда металларнинг вазифаси каттадир. Металлар одам организмида муҳим аҳамиятга эга бўлган кўпчилик ферментларнинг фаол марказларини ташкил этади. Организмга юбориладиган кўпчилик доривор моддалар, комплекс бирикмаларнинг таркибий қисмига кирувчи лигандлар ёки аддентлардир. Бу доривор моддалар организмда мавжуд бўлган биометаллар билан турли қарорликка эга бўлган комплекс бирикмаларни хосил қилиши мумкин.
Организмда биометаллар етишмаса, организмига биометалларни комплекс бирикмалар кўринишига юборилади, чунки биометалларнинг оддий тузлари комплекс бирикмаларга қараганда анча захарлидир.
Масалан, витамин В₁₂ ўз таркибида кобальт биометаллини сақлайди. Агарда организмда темир иони етишмаса, организм анемия (кам қонлик) касаллигига дучор бўлади. Бундай ҳолларда организмига темир сақловчи комплекс бирикмалар - ферроцерон, феррамид, ферковен ва бошқа комплекс бирикмалар юборилади. Таркибида платина сақловчи препарат
цис- [Pt(NH₃)₂ Cl₂] ёмон сифатли шиш касалликларини даволашда ишлатилади. Таркибида мис сақловчи бирикма купир - CuCl₂ x 2B₆ сил касаллигини даволашда ишлатилади. Кўпчилик холларда организмда кўп миқдорда оғир металлар симоб, қўрғошин, висмут, маргимуш ва бошқа металлар йиғилиб қолади ва улар организмни захарлайди.
Бундай холларда организмга шу металлар билан мустаҳкам яхши эрувчи комплекс хосил қиладиган лигандлар - детоксикантлар юборилади. Детосикантларга мисол қилиб димеркапролни келтириш мумкин:
OH - CH₂ - CH - CH₂ - SH

SH
Бу препарат орқали организмдан мышьяк, симоб, теллур металларни ташқарига чиқариш мумкин.
Д- пенициламин
СН₃ NH₂
 
HS – C – CH – COOH

CH₃
Бу модда мис ионлари билан жуда мустаҳкам комплекс ҳосил
қилади ва Вильсон касаллигини даволашда қўлланади.