Маъруза № [Маърузачи: Палванов Н. С.] Мавзу: комплекс бирикмалар. Мавзунинг мақсади

КОМПЛЕКС БИРИКМАЛАРНИНГ ТАСНИФИ.

Амалада комплекс бирикмаларнинг 2 хил таснифи кўрилади:

1. 
   Комплекс бирикмалар, лигандларнинг турига қараб қуйидаги синфларга бўлинади:
   

а) комплекс бирикмада лигандлик вазифасини гидроксид гурухи бажарса, бундай комплекс бирикма гидроксикомплекс деб номланади.
Na [Al(OH)₆] K₂ [Zn(OH)₄]
б) комплекс бирикмада лигандлик вазифасини аммиак бажарса, бундай комплекс бирикма аминокомплекс деб номланади:
[Ag(NH₃)₂]Cl [Cu(NH₃)₄]SO₄
в) комплекс бирикмада лигандлик вазифасини кислота қолдиқлари бажарса, бундай комплекс бирикма ацидокомплекс деб номланади.
Na₃ [Co(NO₂)₆] K₃[Fe(CN)₆]
г) комплекс бирикмада лигандлик вазифасини сув бажарса, бундай комплекс бирикма аквокомплекс деб номланади.
[Cr(H₂O)₆] Br₂
д) комплекс бирикмада лигандлар бир неча хил бўлса, бундай комплекс бирикма аралаш комплекс бирикма деб номланади.
[Pt(NH₃)₄Cl₂ ] Cl₂ [Co(H₂O)₄(NH₃)₂] Br₃

2. 
   Комплекс бирикмалар комплекс ионнинг зарядига қараб учта синфга бўлинади:
   

а) комплекс бирикмада ички сферанинг заряди манфий бўлса, бундай комплекс бирикма катионли комплекс деб аталади, масалан:
[Cu(NH₃)₄] SO₄
б) комплекс бирикмада ички сферанинг заряди мусбат бўлса, бундай комплекс анионли комплекс деб аталади, масалан:
K₂[PtBr₄]
в) ташқи сфераси бўлмаган комплекс бирикмалар нейтрал комплекс деб аталади, масалан:
[Pt(NH₃)₄ Cl₂]


КОМПЛЕКС БИРИКМАЛАРНИНГ НОМЛАНИШИ

Комплекс бирикмаларнинг номланиши тривиал ва систематик номенклатура асосида олиб борилади. Масалан комплек бирикмаларни илк бор топган олимларнинг номи бўйича: Цейзе тузи K[PtCl₃ C₂O₄], Чугаев тузи [Pt(NH₃)₅Cl]Cl₃ ёки рангига қараб - қизил қон тузи K₃[Fe(CN)₆] ва сариқ қон тузи K₄[Fe(CN)₆].

Хозирги замон номенклатураси бўйича Вернер назариясига асосланади:

1. 
   Аввалига катион, сўнгра эса анион номланади.
   
2. 
   Марказий атомнинг оксидланиш даражаси қавс ичига олинган рим рақами билан кўрсатилади.
   
3. 
   Лигандлар грекча ди, три, тетра, пента, гекса сони билан хисобланади.
   
4. 
   Комплекс ион бир сўз билан айтилади.
   

[Co(NH₃)₆] Cl₃ - гексамминкобальт (III) хлорид ва ҳаказо