Маруза- бино ва иншоотларнинг

15.7-расм. Саноат биноларидаги ораёпма плитанинг таянч қисмини

кучайтириш.
а- столча қўйиш усули билан; б-столчани тортиш усули билан;
1- ораёпма плитаси; 2-ригель; 3-столчанинг вертикал қовурғаси; 4- столчанинг горизонтал токчаси; 5-столчанинг орқа таянч пластинкаси; 6- ригелнинг қўйилма деталлари; 7-столча учун пластинка; 8-пайванд; 9-столча; 10- бикрликни ошириш учун қуйилган қовурға; 11-таянч қисмига қўйилган пластинка; 12-гайкали тортқич; 13- тортқич тагига қўйиладиган пластинка.

Бетон юзаси билан қўйилма детални бир текисда қўйиш лозим бўлганда, бетоннинг ҳимоя қатламида кенглиги қўйилма деталнинг кенглигидан 10-20 мм ошиқроқ, чуқурлиги бўйича эса пластина қалинлигидан 5-10 мм кўпроқ бўлган чуқурча очилади. Пластина янги цемент коришмасига ботирилади ва арматура қаламчалари орқали каркаснинг ишчи арматурасига пайвандланади.

Реконструкция жараёнида кўпинча қўшимча кучайтирувчи арматурани анкерлашга ёки мавжуд темирбетон конструкцияда янги қўйилма деталлар ўрнатишга эхтиёж туғилади. Бундай ҳолларда бетонда перфоратор ёрдамида арматуранинг 20 диаметридан кам бўлмаган чуқурча бурғулаб унга арматурани эпоксид елими билан ёки қуюқ цемент-қум қоришмаси билан тиқиштириб маҳкамланади. Эпоксид елимда текис ёки даврий профилли арматурани бетоннинг горизонтал ёки вертикал текислигига ҳамда остки текислигига маҳкамлаш мумкин. Цемент-қум қоришмасида эса арматурани фақат бетоннинг горизонтал текислигига махкамлаш мумкин.
Саноат биноларидаги ораёпма плитанинг таянч қисмини кучайтиришни, плиталар таянган жойни қўшимча столча қуйиш усулида (15.8-расм, а) ёки столчани тортиш усули (15.8-расм, б) ёрдамида амалга ошириш мумкин.
Столча қўйиш усулига асосан, ригелга ўтирган иккита қовурғали плитанинг бирлашган жойида остки қисмидан ригелга ўтирадиган қилиб бурчак қўйилади ва бурчак горизонтал ва вертикал қовурғалар билан кучайтирилган столчанинг орқа таянч пластинкасига пайвандланади. Столчани тортиш билан кучайтириш усули (15.8-расм, б) гайкали тортқич ёрдамида амалга оширилади.
Фуқаро ва маъмурий бинолардаги ораёпма плиталарининг таянч қисмини столикни тортиш усули билан ҳамда “шайин” усули ёрдамида кучайтириш вариантлари 15.8-расмда кўрсатилган. Плитанинг ригел ёки деворга ўтирган жойининг пастки қисмига мос равишда бурчак танлаб қўйилиб, бурчак орқа томондан ҳам жойлаштирилади (ўрта деворлар учун, 15.8-расм, а).