Маруза- бино ва иншоотларнинг

14.7-расм. Пойдеворларни темирбетон қоплама билан кучайтириш:

1- кучайтирилаётган пойдевор; 2- темирбетон қоплама; 3- кучайтириш арматураси; 4- кучайтирилаётган устун; 5- устун боғламаси.

14.7-расмда пойдеворларни темирбетон қоплама билан товон қисмининг юзасини кенгайтириш билан кучайтириш усули кўрсатилган. Бу усул меҳнатсарфлилиги бўйича мураккаб бўлишига қарамасдан самарали ҳисобланади.

Юк ошганда, грунтнинг юк кўтарувчанлиги етарли бўлмаганида ҳамда пойдевор шикастланганда пойдевор товонининг ўлчамини кенгайтириш лозим бўлади.
Кучайтиришнинг самарали воситалари:

1. 
   Темирбетон қоплама;
   
2. 
   Узайтириш;
   
3. 
   Янги кучайтирилган тасмасимон пойдеворни қисман ёки тўла бириктириш.
   

14.8-расм. Тасмасимон пойдеворни ёрдамчи таянч билан кучайтириш.

1. 
   кучайтирилаётган пойдевор;
   
2. 
   юксизлантирувчи тўсин;
   
3. 
   остки қўйилма;
   
4. 
   тақсимловчи ростверк;
   
5. 
   домкрат.
   

14.8-расмда эса тасмасимон пойдеворни ёрдамчи таянч билан кучайтириш технологияси кўрсатилган. Бу усулни қўллашда ҳам пойдеворни ташқи ва ички томонларидан ёрдамчи тақсимловчи ростверк ётқизилиб, пойдеворни тешиб ўтувчи юксизлантирувчи тўсин домкрат ва остки қуйилма орқали бириктирилади.
Темирбетон қоплама мавжуд пойдеворнинг ҳамма томонини ўраб турувчи яхлит қуйма қобиқни акс эттиради. Қобиқ арматураси фазовий каркас ҳосил қилади ва эски пойдеворнинг кучайтириш конструкцияси билан албатта олдиндан очиб ялонғочланган арматура билан пайвандлаш орқали уланиши ва биргаликда ишлашини таъминлаб бериш керак.
14.9-расмда тасмасимон тош ва ғиштдан қурилган пойдеворларни бетон ёрдамида таг қисми (товони)ни кенгайтириш йўли билан кучайтириш усули кўрсатилган (а).

14.9-расм. Тасмасимон тош ва ғиштдан қурилган пойдеворларни

кучайтириш.
а-бетон ёрдамида пойдеворнинг таг қисмини кенгайтириш; б-йиғма темирбетон элементлар ёрдамида пойдеворнинг таг қисми-юзасини кенгайтириш
1-пойдевор; 2-бетон; 3-зичлаштирилган грунт қисми; 4-тош-ғишт терим; 5- гидроизоляция; 6-қўшимча қўйиладиган элемент; 7-тешик (суюқ цемент қоришмаси билан тўлдирилади); 8-анкер; 9-ғиштли девор.

Йиғма темирбетон элементлар ёрдамида пойдеворни кучайтириш учун (14.9б-расм) мавжуд пойдеворнинг пастки қисмидан кўндаланг йўналишда тешиклар очилиб, тешиклар орқали металл анкерлар ўтказилади. Анкерлар пойдеворнинг иккала томонига чиқарилади ва ўша чиқишлар ўлчамида пойдеворнинг иккала томни бўйича бетон қуйилади. Бу билан пойдеворнинг товони юзаси оширилади.

Агар пойдевор кучайтирилишидан ташқари, устунни ҳам кучайтириш лозим бўлса, у ҳолда ҳалқани бетонлаш, пойдевор ва устун учун бир вақтда
бажариш лозим. Пойдеворни узайтириш (кенгайтириш) усули билан кучайтиришда, унинг товонини 1 ва 2 ёки 3 томонидан амалга оширилади. Узайтириш усулида ҳам худди қоплама усулидагидек эски пойдевор очилиб, ялонғочланган арматурасини кучайтириш конструкциясининг янги арматураси билан пайвандланишини таъминлаш зарур. Пойдеворнинг янги қисмини қуйиш, мавжуд пойдевор билан ёнма-ён тарзда амалга оширилиши мумкин.
Бу ҳолда юк кўтарувчи элементдан пойдеворга ва металл узатувчи ёки темирбетон қопламага узатилади. Янги пойдеворни қўйишда унинг товани эски пойдевор товони билан зич бўлишини таъминлаш зарур. Тасмасимон пойдевор остига ёрдамчи тўсин киритиб кучайтириш конструкциясини максимал юкли параллел участкаларга жойлаштириш тавсия этилади, чунки янги пойдеворларни узелларда ва кесишув жойларида киритиш мураккаб вазифа бўлиб, қийинчилик туғдиради.
Пойдеворларни устун қозиқ ёрдамида кучайтириш мавжуд пойдевор контури бўйлаб ёки остига устун қозиқ ўрнаташ йўли билан амалга оширилади. Бундай кучайтириш пойдеворда юк жуда ошиб кетганда, замин грунтида сезиларли ва нотекис чўкиш юзага келганда, заминнинг кўндаланг ва бошқа кучлар таъсири ҳолларида амалга оширилади. Қозиқ конструкциясини танлаш, бино ёки иншоотнинг ички ўлчамларига, таъсир этувчи юкнинг тавсифига, кучайтириладиган пойдеворнинг конструкциясига, устун қозиқ ишларини олиб боришда тегишли қурилмаларнинг борлигига боғлиқ.