Маъруза -4 Мавзу: мева-сабзавотларни дастлабки қайта ишлаш машиналари

РОЛИКЛИ КОНВЕЙЕРЛАР
Роликли конвейерлар икки хил бўлади:
1. Узатмалар билан ишлайдиган транспортерлар.
2. Узатмаларсиз ишлайдиган транспортерлар.
Узатмали транспортерлар мева ва сабзавотларни инспекция қилиш учун кўлланилади.
Узатмаларсиз ишлайдиган транспортерлар юкни узини оғирлик кучи ҳаракати билан ўзатиш учун қўлланилади.
Уларни кўпинча рольганг деб аталади. Қўйида унинг кўринишини келтирамиз (6-расм).

6-расм. Рольганг.
1-таянч; 2- корпус; 3-вал; 4-ўқ; 5-ролик.
Узатиш вақтида юкни ташқи куч таъсирида итариш лозим.
Хом ашёни бир жойдан иккинчи жойга ташиш учун роликли конвейерлардан фойдаланилади (7-расм).



7-расм. А9-КТ2-О типидаги роликли конвейер.
1-ташиш қисми; 2-бункер; 3-каркас; 4- чўнтак; 5-узатма; 6-душ мосламаси.

ВЕРТИКАЛ, ҚИЯ ЙЎНАЛИШДА ИШЛАЙДИГАН ВА ТАРАЛАРНИ ТАШИШДА ХИЗМАТ ҚИЛУВЧИ ТРАНСПОРТ ВОСИТАЛАРИ

ЭЛЕВАТОРЛАР
Сабзавот-меваларни юқорига ва у жараёндан бу жараёнга узатиш учун элеваторлар ишлатилади. Консерва саноатида ғоз бўйинли шаклдаги элеватор қўлланилади. Уларнинг типлари А6 ва А9.
Унинг кўриниши қуйидагича (8-расм).

8-расм. «Ғоз буйинли» шаклдаги элеватор.

1 - тортиш станцияси; 2 – бункер; 3 - ёйсимон қисми; 4 – чўмич; 5 – тўсиқ; 6 – душ мосламаси; 7 - тўғри секция; 8 - ҳаракатга келтирувчи қисми; 9 - таянч қисми (стойка). 10 - желоб.

«Ғоз буйинли» шаклдаги элеваторнинг ишлаш тартиби

Хом ашё бункерга келиб тушади. Биқинидаги тўскичлар ёрдамида хом ашёни сочилиб кетишини олди олинади. Харакатга келтирувчи қурилма элеваторни ҳаракатга келтиради. Бунда хом ашё кўтарилади, чайилиб кейинги жараёнга ўтади.


Техник тавсифи.
Ишлаб чиқариш қуввати, тонна/соат:
сабзавотлар бўйича 9
мева бўйича 5,85
Электродвигатель қуввати, кВт 0,8
Сабзавот-меваларни узатиш учун яна А9-КТБ маркали лентали элеватор хам ишлатилади. Бу ускуна корпусдан, ўтказиб берувчи ва тортувчи қисмдан, кўтарувчи механизмдан ва лентадан иборат. Электродвигатель магнитли пускатель ёрдамида харакатга келтирилади.