Marosim va urf-odatlar

Shomurotovlar uy muzeyi

Amet va Ayimxon Shomurotovalarning xususiy uy muzeyi ularning farzandlari tomonidan 1999-yilda tashkil qilingan. Amet Shomurotov (1912-1953) – yozuvchi, shoir va dramaturg bo’lgan. Uning rafiqasi Ayimxon Shomurotova (1917-1993) esa xalq artisti bo’lib, Qoraqalpog’iston tarixida teatr sahnasi chiqqan ilk ayollardan biri hisoblanadi. Ular XX asrdagi qoraqalpoq madaniyatining rivojida muhim o’rin egallashadi. Muzey kolleksiyasi ushbu juftlikning shaxsiy buyumlaridan: sahna liboslari, fotosuratlari, qo’lyozmalari, kitoblari, o’tmishga oid buyumlaridan tashkil topgan. Muzeyda, shuningdek, Qoraqalpog’iston mashhur yozuvchilarining, artistlarining, davlat arboblarining fotoxujjatlari va mashhur rassomlar: F.Madgazin, R. Matevosyan, K. Berdimuratovlar va boshqalarning asarlari saqlanadi. Muzeyda Ayimxon Shomurotova tomonidan ijro etilgan qo’shiqlarni ham eshitish imkoniyati mavjud.

Berdaq milliy muzeyi

1998-yil, mashhur Qoraqalpoq shoiri va mutafakkiri Berdaqning 170-yillik yubileyi munosabati bilan Nukus shahrida Berdaq nomidagi muzey tashkil etildi. Muzey Qoraqalpog’iston davlat universiteti yonida joylashgan.
Berdaq ilk qoraqalpoq tarixchilaridan biri sifatida ham e’tirof etiladi. Uning mashhur “Shejire” asarida, qoraqalpoqlarning kelib chiqishi va turk xalqlari to’g’risida ma’lumotlar berilgan.
Muzeyda, asosan, qoraqalpoq madaniyatiga oid ekspozitsiyalar joy olgan. Arab, fors, turk tillarida yozilgan yozma yodgorliklar saqlanadigan qo’lyozmalar zali mehmonlarda alohida qiziqish uyg’otadi. Muzeyda, shuningdek, milliy zargarlik buyumlari va liboslari, uy-ro’zg’or buyumlari va arxeologik topilmalar ham ko’rgazmaga qo’yilgan.