Marketing tadqiqotlari

– rasm. Tadqiqotchilik mahsulotini sotish shakllari

Axborot-tahliliy faoliyat bilan shug‘ullanuvchi xodiimlarga katta talablar qo‘yiladi. Ular yuqori malakaga ega bo‘lishi va:

• 
  marketing nazariyasi va amaliyotini, uning barcha usullari va faoliyat shakllarini yaxshi bilishi;
  
• 
  doimo bozor vaziyatidan xabardor bo‘lishi;
  
• 
  axborot to‘play olishi va u bilan ishlash usullarini bilishi;
  
• 
  kompyuterda amaliy dasturlar paketlari bilan ishlay olishi;
  
• 
  statistika, ekonometrika, sotsiometriya va kvalimetriya asoslarini bilishi;
  
• 
  ma’lumotlarni tahlil qilish davomida olingan xulosalar chiqara olishi va asosli tavsiyalar tuza olishi.
  

Marketing tadqiqoti natijasi, uning mahsuli qoidaga ko‘ra oldi-sotdi uchun mo‘ljallanadi. Bu esa shuni anglatadiki, tadqiqotchilik jarayonini ifodalaydigan mazkur intellektual mulk tovarning barcha belgilariga ega hisoblanadi. U sotiladi va sotib olinadi (to‘laligicha va ayrim qismlari). Demak, marketing tadqiqoti unga talab va taklif kabi toifalar xos bo‘lgan intellektual tovar hisoblanadi. Marketing tadqiqoti, har qanday tovar kabi o‘z narxiga ega bo‘ladi. Oxirgi yillarda bu intellektual tovarga talab yil sayin o‘sib bormoqda.