Marketing tadqiqotlari

7.6-rasm. Tahlil usullarini tanlash omillari

Muayyan tahlil usullarini tanlash qator omillar bilan asoslanadi, xususan:

• 
  o‘rganilayotgan hodisa va jarayonlarning mohiyati;
  
• 
  xulosa olishning shoshilinchlik darajasi;
  
• 
  ma’lumotlar strukturasi;
  
• 
  axborotning ochiqligi yoki cheklanganligi;
  
• 
  kompyuter texnologiyasini qo‘llash imkoniyatlari.
  

Bozorning tartibsizligi o‘zgaruvchanlik va davriylikning turli shakllarida namoyon bo‘ladi. Bu hodisalar variatsiya va dispersiya tahlili, garmonik modellar, mavsumiylik indekslari, shuningdek, taqsimlot qatorlari va turli guruhlashlar yordamida o‘rganiladi. Shuningdek, mexanik va tahliliy tekislash (tenglashtirish) usullari foydalaniladi. Tahlilchi raqamlar, jadvallar, hisob-kitoblarni o‘qiy olishi va sharhlay olishi lozim. Tendensiya va qonuniyatlarni aniqlash, tarkibiy o‘zgarishlarni ko‘ra bilish, o‘zaro aloqalarni topish zarur. Ko‘pincha olingan axborot asosida tuzilgan jadval va qatorlarni yuqori tartibdagi metodologiya va kompyuter texnologiyalari yordamida qo‘shimcha ishlov berishga to‘g‘ri keladi.