Maqsudov ilhomjon, joraev jomurod yangiboevich, amirov shavkat qo ziboevich

Qirqish  usullari.  Qo„ylar  mashina  va  qo„lda  qirqiladi.  Qirqim  rejasi  tuzilib, 
qirqim  tartibi  tuziladi.  Mashinada  qirqish  uchun  maxsus  punktlar  quriladi,  ular 
ixtisoslashgan qo„y-bosh soni ko„p xo„jaliklarda o„zini oqlaydi. KTO-24-48, ESO-
12,24  majmua  qirqim  stanogi  bilan  mavsum  davomida  (15-16  kun) 20  ming  bosh 
qo„yni  qirqsa  bo„ladi.  Oldin  qisir  sovliqlar,  kam  maxsul  qo„ylar,  oxirida  kasal 
qo„ylar qirqiladi. 

---

 
203 
Qo„l  bilan  kuniga  1  qirqimchi  25-30  bosh  qo„yni  qirqadi,  natijada  mehnat 
unumdorligi  juda  past  bo„ladi.  Faqat  tajribali  qirqimchilar  30-40  bosh  qo„yni 
qirqishlari  mumkin,  bu  ish  juda  og„ir  mehnat  bo„lib  1  bosh  qo„yni  qirqish  uchun 
1000 marta qaychini bosish kerak. Qirqim mashinasida 1 qirqimchi bir kunda  50-
60, ilg„orlari 120-140 bosh qo„yni qirqishlari mumkin. 
Qirqim binosi. U qirqish xonasi; junni klasslash, presslash va saqlash xonasi; 
qirqilmagan  va  qirqilgan  qo„ylar  ayvoni;  jun  chiqimini  aniqlovchi  labaratoriyadan 
iborat bo„ladi. 
Xo„jalikda 10000 boshdan ko„p qo„y bo„lganda maxsus bino tashkil qilinadi, 
10000 boshdan kam bo„lganda bitta qo„yxona ichida qirqim xonasi jihozlanadi. 
Qirqim tartibi. Otarlar qirqimga to„liq keladi. Sovliqlar qo„zilari bilan keladi, 
qirqiladi.  Qirqim  paytida  sovliqlar  qo„zilaridan  ajratib  olinadi.  Qo„ylar  qirqimdan 
oldin  12-14  soat  och  qoldiriladi,  ko„pincha  bir  kecha-kunduz  och,  12  soat  suvsiz 
qoldiriladi;  oshqozon-ichak  tizimi  oziqaga  to„la  qo„ylar  o„zini  yomon  xis  etadi. 
Xo„l  qo„ylarni  qirqish  tavsiya  etilmaydi.  Qirqim  sifati  past  qo„ylardan  boshlanib 
qirqimchilar tajribasi ortishi bilan sifatli qo„ylar navbati boshlanadi. 
Qirqib  olingan  runo  -  yalpoqi  jun  qirqimchi  shaxsiy  varaqasi  bilan  taroziga 
yuboriladi.  Junni  tortish  natijalarini  hisobchi  yozib  boradi.  Shundan  keyin 
tayyorlov standarti bo„yicha runo taxlanadi.