Мақола ва тезислар номи

Фойдаланилган адабиётлар: 
1. Тарасов В. П. Российский государственный военный архив в документах и 
материалах (1920–2020 гг.). М. : Фонд «Связь Эпох», 2020 
2. http://rgvarchive.ru/ob-arkhive/istoriya-arkhiva.shtml 
3. http://rgvarchive.ru/ob-arkhive.shtml 
4. http://rgvarchive.ru/ob-arkhive/kharakteristika-fondov.shtml 
246 http://rgvarchive.ru/ob-arkhive.shtml 
247 http://rgvarchive.ru/ob-arkhive/kharakteristika-fondov.shtml 

---

829 
ЎЗБЕКИСТОНДАГИ ДЕМОГРАФИК ЖАРАЁНЛАРНИНГ МИНТАҚАВИЙ 
ХУСУСИЯТЛАРИ 
Холдаров Э.И. 
Ўзбекистон Миллий университети магистранти 
Маълумки, жамиятда ҳар доим қандайдир сабабларга кўра аҳолининг бир қисми 
ҳаётдан кўз юмади, яна бир қисми эса дунёга келади. Жамиятда вафот этган аҳоли ўрнини, 
янги туғилганлар ҳисобига тўлдириб боради ва авлодлар алмашади. Ана шундай жараён 
аҳоли такрор барпо бўлишнинг асосини ташкил этади. Бирор бир ҳудудда, маълум даврдаги 
аҳоли таркиби, ўтган даврдаги аҳоли такрор барпо бўлишнинг натижаси, кейинги даврдаги 
аҳоли такрор барпо бўлиш жамият тараққиёти давомидаги доимий, мураккаб жараёндир. 
Демографик жараёнлар натижасида аҳоли сони ва унинг ёш-жинсий таркиби мунтазам 
ўзгариб туради. Аҳолининг табиий ҳаракати эса, ўз навбатида қатор ижтимоий-иқтисодий 
омиллар таъсирида содир бўлади. Шу боис аҳолининг такрор барпо бўлиш жараёни жамият 
тараққиётининг ҳар бир босқичида ўзига хос хусусиятларга, қонуниятларга эгадир. 
Аҳолининг такрор барпо бўлиши, кенг маънода табиий ўсиш, ўлим, миграция аҳолининг 
ҳудудлари бўйлаб ҳаракати, бир ижтимоий гуруҳдан иккинчи ижтимоий гуруҳига ўтиш, 
маълумот олиш, меҳнат фаолиятининг бошланиши ҳамда аҳоли таркиби янгиланиб 
туришидир. 
Демографик жараёнларнинг энг асосий кўрсаткичларидан бири туғилиш жараёнидир. 
2019-йил маълумотларига кўра республика қишлоқларида туғилиш кўрсаткичи ҳар 1000 
кишига 26,3 кишини ташкил этган ҳолда ўтган даврга нисбатан таққослаганда бу кўрсаткич 
бирмунча ўсганлигини кўриш мумкин (1-жадвал). 
1-жадвал 
Ўзбекистон қишлоқ жойларида аҳоли туғилиш коэффициентининг ўзгариши
(ҳар 1000 кишига нисбатан, промилле)