Mansur Usmanovning nashrdan chiqqan qo‘llanmalari: Matematika fanidan

“Geometriyadan masalalar va matematikadan variantlar to‘plami. 
Oliy o‘quv yurtlariga kiruvchilar uchun”
nomli metodik qo‘llanmasidan foydalanish samaradorligini 
oshirish maqsadida mavzular ketma-ketligi u bilan moslashtirilgan. 
 
Matematikadan variantlar to‘plami yechilishi bilan. Oliy o‘quv yurtlariga kiruvchilar uchun. 
Toshkent: Navro‘z -2016. 480 bet. 
 
To‘plam o‘quvchilarning bilimlarini mustahkamlash va test materiallarini yechishda bilim va 
ko‘nikmalarini oshirishga yordam berish uchun tuzilgan. U oliy o‘quv yurtlariga kiruvchi abituriyentlar va 
akademik litseylarning aniq fanlar yo‘nalishidagi o‘quvchilar uchun mo‘ljallangan. To‘plamdan akademik 
litsey yuqori bosqich o‘quvchilari uchun qo‘shimcha adabiyot sifatida foydalanilsa maqsadga muvofiq 
bo‘ladi. Undagi testlar elementar matematikaning barcha bo‘limlarini o‘z ichiga olib, mavzular bo‘yicha 
testlar taqsimoti maqbul joylashtirilgan. 
To‘plamdagi umumiy testlar soni 2880 ta bo‘lib, uning 600 ga yaqini uchinchi qiyinlik darajadagi, 
400 ta atrofidagisi to‘rtinchi darajadagi va 80 donasi beshinchi qiyinlik darajadagi (yechilishi qiyin bo‘lgan) 
misol va masalalar hisoblanadi. 
Variantlar to‘plamida jami 600 dona to‘g'ri va noto‘g'ri tasdiqlar sifatida berilgan nazariy savollar 
mavjud bo‘lib, o‘quvchilarning elementar matematika bo‘yicha nazariy bilimlarini oshirishga katta yordam 
beradi.
Variantlar to‘plamidagi test ko‘rinishida berilgan misol va masalalarning yechilish namunalari 
tushunarli va o‘quvchilarning misol va masalalarni yechish yo‘llarini o‘rganishida katta yordam beradi. Har 
bir misol yoki masalani yechish uchun kerakli formulalar va qoidalar, allohida ko‘rsatib o‘tilgan. Ba'zi misol 
va masalalarni ikki yoki uch хil usulda yechilishi mavjud. 
To‘plam har biri 36 dona test ko‘rinishida berilgan misol va masalalardan tashkil topgan bo‘lib, jami 
80 ta variantdan iborat. To‘plamda 400 dan ortiq chizma va grafiklar yuqori aniqlikda kompyuter 
grafikasidan foydalangan holda chizilgan. 
Qo‘llanmani tuzishda muallif 30 dan ziyod adabiyotlardan foydalangan va undagi testlarning 600 
tasini uning shaхsan o‘zi tuzgan bo‘lib, ular asosan qiziqarli va yechilishi qiyin bo‘lgan misol va masalalar 
hisoblanadi.