Ma’muriy rejim

Birinchidan: Qaysi toifadagi shaxslarga vasiy yoki homiy tayinlanadi va bu qaysi organ tomonidan tayinlanadi?
Ikkinchidan: Tuman hokimligining rad javobi asoslimi?
Uchinchidan: Ma’muriy sudning ushbu ish ma’muriy ish sudloviga taalluqli emasligi to’g’risidagi rad javobi asoslimi?
Birinchi muammoga javob: Vasiylik va homiylik to‘g‘risidagi qonunning ikkinchi moddasida keltiriladiki, vasiylik yoki homiylik belgilanishiga muhtoj bo‘lgan shaxslar - alohida g‘amxo‘rlikka, shuningdek o‘z huquqlari, erkinliklari va qonuniy manfaatlari himoya qilinishiga muhtoj bo‘lgan yetim bolalar va ota-onasining qaramog‘idan mahrum bo‘lgan bolalar, ota-onalik huquqidan mahrum etilmagan ota-onasi bo‘lgan hamda bolalarning hayoti yoki sog‘lig‘iga bevosita tahdid tug‘dirayotgan yoki ularning ta’minoti, tarbiya va ta’lim olishiga doir talablarga javob bermaydigan sharoitda yashayotgan bolalar, sog‘lig‘ining holatiga ko‘ra homiylikka muhtoj bo‘lgan voyaga yetgan muomalaga layoqatli fuqarolar, muomalaga layoqatsiz yoki muomala layoqati cheklangan fuqarolar.
Shuningdek, ushbu qonunning 7-moddasida vasiylik va homiylik sohasida faoliyat yurituvchi davlat organlari keltiriladi va unga muvofiq, ushbu faoliyat tuman, shahar tibbiyot birlashmalari tomonidan — sud tomonidan muomalaga layoqatsiz yoki muomala layoqati cheklangan deb topilgan fuqarolarga, shuningdek sog‘lig‘ining holatiga ko‘ra homiylikka muhtoj bo‘lgan voyaga yetgan muomalaga layoqatli fuqarolarga nisbatan amalga oshiriladi.
Ikkinchi muammoga javob: O‘zbekiston Respublikasida vasiylik va homiylik to‘g‘risidagi nizomning 2- b bandi ga muvofiq, sud tomonidan muomalaga layoqatsiz yoki muomala layoqati cheklangan deb e’tirof etilgan fuqarolarga nisbatan — tuman, shahar tibbiyot birlashmalari vasiylik va homiylik faoliyati amalga oshirilishi belgilangan. Shu bilan bir qatorda, nizomning 6-qismi 4-bandiga ko’ra, tuman, shahar tibbiyot birlashmalari o‘z vakolatlari doirasida muomalaga layoqatsiz va muomala layoqati cheklangan fuqarolarni vasiylik yoki homiylikka joylashtirilishini ta’minlaydilar, deb belgilangan.
Nizomda ushbu jarayon qay tartibda amalga oshrilishi ham belgilangan. Nizomning 59-bandida keltiriladiki, Vasiylik yoki homiylik belgilanishiga muhtoj bo‘lgan shaxslar aniqlangan hollarda, vasiylik va homiylik organi bunday ma’lumotlar olingan kundan e’tiboran uch kun mobaynida ularning turmush va ta’minot sharoitlarini tekshiruvdan o‘tkazadi hamda bu haqda dalolatnoma tuzadi. Keyin esa 7 kun Ichida vasiy yoki homiy bo‘lish istagini bildirgan shaxsning vasiy yoki homiy etib tayinlanishi mumkinligi to‘g‘risida xulosa tayyorlaydi. Xulosa tuman yoki Shahar hokimligiga taqdim etiladi. Va nizomning 63- bandida keltiriladiki, Vasiylik va homiylik tuman, shahar hokimining qarori bilan belgilanadi.