Ma’muriy rejim

2-muammoviy savolga javob: “Maʼmuriy tartib-taomillar to‘g‘risida”gi qonunning quyidagi asosiy prinsiplari buzilganligi ko’ramiz. O‘zbekiston Respublikasining 08.01.2018 yildagi O‘RQ-457-sonli “Maʼmuriy tartib-taomillar to‘g‘risida”gi qonunning 9-moddasi, ya’ni Tinglanish imkoniyatining mavjudligi prinsipi buzilgan. Ma’muriy organ manfaatdor shaxsga ma’muriy hujjatni qabul qilish uchun ahamiyatga ega bo‘lgan barcha holatlar yuzasidan o‘z fikrini bildirish imkoniyatini berishi shart. “Charog‘on” mahallasida yashovchi aholi bilan ushbu hududda yordamchi bino va savdo majmuasi joylashgan ko‘p qavatli avtoturargoh qurish rejasi keng muhokama qilinmagani, ushbu obʼektni haqiqatdan ham zarurligi haqida fuqarolar fikri olinmagani, qurilish loyihasi va investor haqida tegishli maʼlumotlar to‘planib, keng aholi eʼtiboriga yetkazilmagani bunga misol bo’la oladi. Agar bu holatda “Charog‘on” mahallasida yashovchi bir guruh jismoniy shaxslarga bu haqida ma’lumt berilganda bu prinsip buzilmagan bo’lardi.
Ushbu qonunning 11-moddasida manfaatdor shaxslar huquqlarining ustunligi prinsipi ham buzilgan. Ma’muriy ish yuritish davomida yuzaga keladigan, qonunchilikning bartaraf etib bo‘lmaydigan barcha qarama-qarshiliklari va noaniqliklari manfaatdor shaxslar o‘rtasida kelishmovchiliklar mavjud bo‘lmagan taqdirda, ushbu manfaatdor shaxslar foydasiga talqin qilinadi. Manfaatdor “Paramon” MChJning ishtirokisiz, Chilonzor tumani prokurorining protesti nusxasi manfaatdor shaxsga taqdim etilmagan holda amalga oshirilishi bu prinsip buzilishiga dalildir.
Ushbu qonunning 12-moddasida Byurokratik rasmiyatchilikka yo‘l qo‘yilmasligi prinsipi ham rioya etilmasligiga guvoh bo’lamiz.
Manfaatdor shaxslarga majburiyatlar orqali qiyinchilik tug‘dirish, faqat rasmiy qoidalar va talablarga rioya etilishi maqsadidagina ularga huquqlar berishni rad etish yoki ularning huquqlarini boshqacha tarzda cheklash ma’muriy organlarga taqiqlanadi.
Agar manfaatdor shaxs vijdonan harakat qilgan, o‘z majburiyatlarini mazmunan bajargan bo‘lsa hamda rasmiy qoidalar va talablarning yo‘l qo‘yilgan buzilishlari ma’muriy ishni mazmunan to‘g‘ri hal qilishga to‘sqinlik qilmasa, manfaatdor shaxs tomonidan rasmiy qoidalar va talablarga rioya etilmaganligi nomuvofiq ma’muriy hujjatni qabul qilish uchun asos bo‘lib xizmat qila olmaydi.
Demak, bunda bir taraflama va tegishli tartibda bayonnoma yuritilmagan holda ko‘rib chiqilib tuman hokimining 2019-yil 15-yanvardagi qarori bilan tuman hokimining 2018-yil 23-martdagi 342-sonli qarori bekor qilinishi bunga yorqin misol bo’loladi.