Маъмурий ва жиноят суд ишларини юритиш

Суриштирувчининг ҳаракатлари тўғрими?
74.
 
С. исмли шахс ўғирлик жиноятини содир этилганликда гумон 
қилиниб ушланди. Фуқаро С. ҳуқуқни муҳофаза қилиш органига олиб 
келинади ва унинг чет эл фуқароси эканлиги аниқланади. Икки суткадан 
кейин С.нинг дўстига унинг ушлаб турилганлиги ҳақида хабар берилади. 
Бу ерда қандай қонунбузарликка йўл қўйилган? 

---

34 
75.
 
ЖКнинг 210-моддаси 1-қисми билан айбланиб 8 йил муддатга 
озодликдан маҳрум қилинган А.нинг касаллиги туфайли жазодан озод 
қилишни сўраб берган аризаси вилоят судининг ажрими билан рад этилади. 
Суд ажримида кўрсатилишича А.га жазони ўташ даврида интизомий чора 
қўлланилган ҳамда қисқа муддат даволанган холос. 
Бундан ташқари А. маъмурият томонидан бир неча бор тақдирланган 
ҳам. А.нинг жазо берилган жой маъмурияти томонидан берилган 
тавсияномада колониянинг ички тартиб қоидаларида риоя қилиш, берилган 
вазифаларни сидқидилдан бажариш ҳақида сўз боради. 
Кейинги пайтда ҳақиқатдан ҳам А. оғир хасталаниб қолганлиги, жазони 
олти йилини ўтаганлиги ҳақида маълумот берилади. 
Суднинг ажримига муносабатингизни билдиринг. 
76.
 
Ўғирлик жиноятини содир этган С.нинг иши судда 
кўрилаётганида жиноят содир этилган вақтда судланувчи вояга етмаганлиги 
аниқланди. Суд ажрим чиқариб, вояга етмаган шахсга нисбатан ҳимоя 
ҳуқуқи таъминланмаганлиги учун ишни дастлабки терговга қайтаради. 
Вояга етмаганларнинг ишини юритишнинг ўзига хос хусусиятлари 
нималардан иборат? 
77.
 
У. исмли шахс ЖКнинг 102-моддасида назарда тутилган 
жиноятни содир этишда айбланди. Иш судга оширилиб, судья унга 7 йилга 
озодликдан маҳрум қилиш тарзидаги жазони тайинлади. Иш юзасидан 
суднинг чиқарган ҳукми устидан прокурор юқори турувчи судга аппеляция 
тартибида протест келтиради. Вилоят суди раиси биринчи инстанцияда 
суднинг ҳукми ижросини 1 ойга тўхтатади.