Маъмурий ва жиноят суд ишларини юритиш

Иш қандай ҳал қилинади? Бунда қайси қонун ҳужжатларига 
эътибор бериш керак. 
13
. Тошкентдаги уйларнинг бирида квартира бўшади. Тошкент шаҳар 
ҳокимиятининг уй-жой бошқармаси ва Ҳамза тумани ҳокимияти ўртасида 
бўш квартирани ким банд қилиши ва бунинг учун ордер бериш тўғрисида 
низо келиб чиқди. Уй-жой бошқармасининг фикрига кўра, уй шаҳар мулки 
бўлиб, фақат шу бошқарма уни тасарруф эта олади. 
Ҳамза тумани ҳокимияти эса, уйни маҳаллий ҳокимият мулки деб 
ҳисоблади, уни бериш туман ҳокимияти томонидан бериладиган ордер 
орқали амалга оширилиши ва уй туман уй-жой ташкилоти балансида 
турганлигини билдирди. 
Иш қандай ҳал қилинади?
14.
Эр-хотин Қобилов ва Одилова ўзларининг биргаликдаги ҳаётлари 
давомида “Nexia” машинасига эга бўлишди. Бир неча йил ўтгач, Қобилов 
авиация ҳалокати туфайли ҳалок бўлди. Унинг онаси меросхўр сифатида 
Одиловага нисбатан автомашинани сотиб, пулини тақсимлаш тўғрисида 
даъво қўзғатди. Унинг фикрича автомобиль хотинига қолдирилди, онасига 
Одилова томонидан пул компенсацияси тўланади. 
Бир оз вақт ўтгач, Одилова машинани сотди. Буни эшитиб, Қобиловнинг 
онаси олди-сотди шартномасини ҳақиқий эмас деб топиш тўғрисида даъво 
қўзғатди, унинг фикрича автомобиль олди-сотдисида ўзининг имтиёзли 
сотиб олиш ҳуқуқи бузилган. 
Иш қандай ҳал қилинади? 
15.
Олимов ва Валиева Собитовга ўзларига тегишли эркаклар ва аёллар 
пальтосини ломбардга эвазига қарз олиб туриш учун топширишди. Иккала 
пальто ҳам Собитов томонидан ломбардга берилди (ва бунинг учун маълум 
вақт ўтгач пул олинди), кейин Олимов ва Валиева томонидан берилган пул 
эвазига қайтариб олинди, лекин Олимов ва Валиева пальтоларнинг ҳақини 
қайтариш тўғрисида Собитовга нисбатан даъво қилишди. Суд виндикацион 
даъво нормалари асосида пальтонинг ўзини ёки қийматини қайтариш 
тўғрисида қарор қилди.