Маъмурий ва жиноят суд ишларини юритиш

Бу битим битимларнинг қайси шаклига киради? Суднинг қарори 
тўғрими? 
 
6.
Руҳий касал Рўзиев “Шамс” магазинидан ҳар куни битта тароқ сотиб 
оларди. Унинг уйида 500 га яқин тароқ тўпланганида, Рўзиевнинг хотини 

---

24 
магазин директоридан барча тароқларни қайтариб олиб, ҳақини қайтаришни 
талаб қилди. 
Ўзининг талабида у, Рўзиевнинг ўз ҳаракатларининг оқибатларини 
тушуниб етмаслиги, шунинг учун ҳам у судга эрини муомалага лаёқатсиз деб 
топишини сўраб мурожаат қилишини айтди. Директор Рўзиевнинг хотини 
талабини қондиришни рад этди. 
Бу ҳолатда ким ҳақ? 
7.
Мустафоев почта хабарномасини олади. Улардан бири хотини 
Мустафоева Жамила номига, иккинчиси 10 яшар ўғли Улуғбек Мустафоев 
номига келган жўнатма эди. Хотини ва ўғли қишлоқда дам олаётганлиги 
учун Мустафоев хотинининг паспортини, никоҳ қоғозини ва ўзининг 
паспортини олиб, почтага келиб жўнатмаларни беришни илтимос қилади. 
Лекин, почта бошлиғи фуқаро Мустафоевдан ўғли ва хотини томонидан 
берилган ишончномани талаб қилади. 
Почта бошлиғининг талаби тўғрими? 
8.
Олимов 1993 йил 5 майда Термиз шаҳрида ишлаш учун кета туриб 
узоқ қариндоши Туроповни уйига ва уй жиҳозларига қараб туришлик учун 
жойлаштириб кетади. У 5 йилдан кейин, яъни 1998 йил 5 майда қайтиб 
келиб, ўз уйида мебель, пианино ва бошқа жиҳозлари йўқ эканлигини кўриб, 
Туроповдан сўраганида, у даъво муддати ўтиб кетди деб буюмларни топиб 
бермаган. Олимов судга мурожаат қилиб, уй ва рўзғор буюмларини 
Туроповдан олиб беришни сўрайди. 
Масала қандай ҳал қилинади? 
 
9.
“Ўзбекмевасабзавот” АЖ ширкат хўжалигидан 2 тонна уруғлик 
картошка сотиб олди. Картошка сотиб олиш қишда амалга оширилганлиги 
сабабли,томонлар баҳоргача уруғни ташиб олиш давомида музлатиб 
қўймаслик учун ширкат хўжалигида сақлаб туришга келишдилар. 
Кутилмаган сув тошқини натижасида картошка уруғи сақланаётган 
омборга зарар етди, оқибатда АЖ томонидан сотиб олиниб, сақлашга 
қўйилган уруғлик экин учун яроқсиз ҳолга келди. АЖ ширкат хўжалигидан 
бозор нархи бўйича картошканинг пулини ёки экиш учун келишилган 
миқдорда картошка уруғи беришини сўради. Ширкат хўжалиги АЖнинг бу 
талабларини рад этди. Ширкат хўжалиги сотиб олинган картошка уруғи унга 
сақлаш учун берилмаганини айтди ва бузилиш эҳтимолларини харидор ўз 
бўйнига олишини билдирди. Шунингдек, ширкат хўжалиги ҳам сув тошқини 

---

25 
туфайли ўзига тегишли картошка уруғи ҳам нобуд бўлганини маълум қилиб, 
уруғлик бера олмаслигини айтди. 
Айни пайтда ширкат хўжалиги давлат захираларидан АЖ учун қўшимча 
уруғлик картошка олиб бериши мумкинлиги, АЖ қўшимча ҳақ тўлаши 
лозимлигини билдиради.