Mamlakatimizda yer maydonlaridan samarali foydalanishdagi qator

12-modda. Matlubot kooperatsiyaning o‘ziga xos xususiyatlari
1. Matlubot kooperativlari (jamiyatlari) yakkahokimlikka qarshi qonunlarning talablariga muvofiq ixtiyoriy ravishda xo‘jalik uyushmalariga birlashishlari mumkin.
Keyingi tahrirga qarang.
2. Matlubot kooperativlari (jamiyatlari) xo‘jalik uyushmalari boshqaruvining oliy idoralari — syezd va konferensiyadir.
Matlubot kooperativi (jamiyati) boshqaruvining oliy idorasi — kooperativ (jamiyat) a’zolarining umumiy yig‘ilishidir.
Syezd va konferensiyalar kengashni (boshqaruvni) saylaydilar. Kengash (boshqaruv) syezd va konferensiyalar oralig‘idagi davrda ularning vazifalarini bajaradi hamda ularga hisob beradi.
Syezd va konferensiya o‘ziga hisob beruvchi nazorat idorasi — taftish komissiyasini saylaydi.
3. Xo‘jalik uyushmalari boshqaruvi idoralarining o‘z vakolatlari doirasida qabul qilgan qarorlarini ijro etish ularning a’zolari uchun majburiydir.
4. Matlubot kooperativlari (jamiyatlari), ular uyushmalari bilan davlat boshqa uyushmalar, korxonalar, tashkilotlar hamda fuqarolar o‘rtasidagi xo‘jalik munosabatlari shartnoma asosida tashkil etiladi, basharti, O‘zbekiston Respublikasi qonunlarida o‘zga hol nazarda tutilmagan bo‘lmasa.
Keyingi tahrirga qarang.
5. Matlubot kooperativlari (jamiyatlari) narxlar hamda tariflarni mustaqil yoki shartnoma asosida belgilaydilar. Kooperativlar va ularning xo‘jalik uyushmalari bozorda yakkahokimlik qilgan hollarda davlat fuqarolarni ijtimoiy himoya qilish maqsadida O‘zbekiston Respublikasi qonun hujjatlariga muvofiq narx-navoni tartibga soladi.
13-modda. Jamoa xo‘jaliklari va qishloq xo‘jaligi kooperativlari
Jamoa xo‘jaligi yoki boshqa qishloq xo‘jaligi kooperativi ishlab chiqarish kooperativining shakllaridan biri sifatida ushbu Qonunda, boshqa qonun hujjatlari va o‘z ustavida nazarda tutilgan barcha huquqlardan foydalanadi.
14-modda. Jamoa xo‘jaliklari va boshqa qishloq xo‘jalik kooperativlarining yerdan foydalanganlik uchun mas’uliyati
Jamoa xo‘jaliklari va boshqa qishloq xo‘jalik kooperativlarining yerdan foydalanganlik uchun mas’uliyati “Yer to‘g‘risida”gi O‘zbekiston Respublikasi Qonuni bilan tartibga solinadi.
Keyingi tahrirga qarang.