Mamlakatimizda yer maydonlaridan samarali foydalanishdagi qator

4-modda. Kooperativning mulkdorlari va mol-mulki
1. Kooperativning mustaqil balansida o‘z ifodasini topadigan asosiy fondlar va oborot mablag‘lar, shuningdek boshqa boyliklar kooperativ mulkini tashkil etadi.
2. Kooperativ mol-mulki o‘z a’zolarining pul va moddiy badallari, u ishlab chiqargan mahsulotlar, bu mahsulotlarni sotishdan va kooperativ ustavida nazarda tutilgan boshqa faoliyatdan olingan daromad hisobiga hosil bo‘ladi. Kooperativ mulkini shakllantirishda, mulk shaklidan qati nazar, shartnoma asoslarida pul badallari va moddiy badallar to‘lash yo‘li bilan davlat korxonalari (tashkilotlari) va boshqa korxonalar (tashkilotlar), shuningdek ushbu kooperativga a’zo bo‘lmagan, ammo unda shartnoma (kontrakt, bitim), asosida ishlayotgan fuqarolar ham ishtirok etishlari mumkin.
Keyingi tahrirga qarang.
3. Kooperativ tomonidan tashkil etilayotgan korxonalar va tashkilotlarning mol-mulki, shuningdek qo‘shgan ulushlariga muvofiq xo‘jaliklararo korxonalar va tashkilotlarning mol-mulki kooperativ mulki hisoblanadi.
Kooperativlardan, boshqa jamoa va davlat korxonalari hamda tashkilotlaridan, shuningdek yakka tartibdagi korxonalardan iborat tarkibidagi xo‘jalik uyushmalarining mol-mulki davlat, kooperativlar va fuqarolarning umumiy mulki hisoblanadi. Tarkibiga faqat kooperativlar kirgan xo‘jalik uyushmalarining mol-mulki umumiy jamoa mulki huquqi asosida ana shu kooperativlarga qarashli bo‘ladi, basharti, xo‘jalik uyushmalarining ta’sis hujjatlarida va O‘zbekiston Respublikasi qonunlarida o‘zga hol nazarda tutilgan bo‘lmasa.
Keyingi tahrirga qarang.
5-modda. Kooperativ tuzish va uning Ustavi
1. Kooperativ fuqarolar istagi bilan yoki yuridik shaxslarning tashabbusi bilan mutlaqo ixtiyoriylik asosida tashkil etiladi. Kooperativ a’zolari bo‘lgan fuqarolarning soni uch kishidan kam bo‘lmasligi, matlubot kooperativida (jamiyatida) va jamoa xo‘jaligida esa yetti kishidan kam bo‘lmasligi kerak.
Keyingi tahrirga qarang.
Kooperativ mustaqillik asosida ham, davlat korxonalari, muassasalari, tashkilotlari, kooperativ va boshqa korxonalar, muassasalar hamda tashkilotlar qoshida ham tashkil etiladi va amal qiladi.
Keyingi tahrirga qarang.
Mulkchilikning har qanday turdagi korxonaning, tashkilotning qaroriga ko‘ra tuziladigan kooperativ yuridik shaxs huquqiga ega bo‘lishi, joriy va hisob-kitob schyotlari ochishi mumkin. Korxona, tashkilot shunday turdagi kooperativning ustavini tasdiqlaydi, uning ishlab chiqarish va xo‘jalik faoliyatini nazorat qiladi hamda uning faoliyat natijalari uchun to‘la javobgar bo‘ladi.
Keyingi tahrirga qarang.
2. Kooperativning ustavi kooperativ ta’sis etishni istagan fuqarolarning umumiy yig‘ilishida yoki yuridik shaxslar muxtor vakillarining yig‘ilishida qabul qilinadi va kooperativ joylashgan erdagi nohiya, shahar xalq deputatlari Soveti ijroiya qo‘mitasi tomonidan ro‘yxatga olinadi.
Matlubot, ishlab chiqarish kooperativlari, aralash shaklidagi kooperativlarning ustavida kooperativ a’zolarining kooperativ qarzlari bo‘yicha mulkiy javobgarligi ko‘rsatilgan bo‘lishi kerak. Bu qoida kooperativ ustavida o‘z aksini topmasa, uni davlat ro‘yxatiga olish man etiladi.
Keyingi tahrirga qarang.
Keyingi tahrirga qarang.