Mamlakatimizda sug‘oriladigan yerlar atigi 3 million 300 ming gektar bo‘lib,uni ko‘paytirishning hecham iloji yo‘q. Chunki bizda suv resurslari cheklangan. Aholimiz yesa yildan yilga ko‘payib bormoqda

6.1. G‘o‘za qator oralarida pal hosil qilishning iqtisodiy samaradorligi.
Shu bilan birgalikda hosil qilinadigan palning sifatli bo‘lishi sug‘orish texnologik jarayonining talab darajasida bajarilishini ta’minlaydi. Hosil qilinadigan palning balandligi, pal hosil qilinadigan qatordagi g‘o‘za nihollarining ko‘milmasligi va shikastlanmasligi, palning hosil qilishda tuproq olinadigan yon qatorlardagi g‘o‘za nihollarning ildiz va tana qismlarining zararlanmasligi katta ahamiyatga ega. Hosil qilinadigan palning balandligi bir tekisda va suv chizig‘idan yuqori bo‘lishi shart. Shu bilan birga uning zichligi va profilining talab darajasida bo‘lishi talab etilib, bu esa sug‘orish vaqtida suvchining qirqimlar bo‘yicha nazoratini olib borishi uchun qulaylik yaratadi.
Fermer xo‘jaligida g‘o‘za qator oralarida bo‘ylama pal olish jarayonini to‘lig‘icha mexanizmlar yordamida amalga oshirishni joriy etish bugungi kunning dolzarb va muhim masalasiga aylanib ulgurdi. Ayniqsa qator oralariga pal hosil qilish texnologik jarayonining asosiy qismi bo‘lgan bo‘ylama pallarni hosil qilishni mexanizatsiyalashtirish imkoniyati mavjud va u pal hosil qilish texnologik jarayonining umumiy ish hajmining 55 – 70 foizini tashkil etadi.
G‘o‘za qator orasiga bo‘ylama pal olgichning qo‘llanilishidan asosiy maqsad bo‘ylama pal olish jarayonini to‘liq mexanizatsiyalash evaziga ko‘l mehnatini kamaytirish va paxta yetishtirish tannarxini arzonlashtirishdan iboratdir. Shuni ta’kidlab o‘tish lozimki, bugungi kunda qishloq xo‘jaligida mexanizatsiyalashgan ishlarni tashkil etish, qo‘l mehnatini kamaytirish fermer xo‘jaliklari uchun ham ijtimoiy, ham iqtisodiy samara beradi.
2018 yilda Viloyat ilmiy ishlab chiqarish markazi tomonidan 3-iqlim zonasida 60 sm. qator oralarida paxta yetishtirish uchun ishlab chiqilgan 2016-2020 yillarga mo‘ljallangan namunaviy texniologik xaritada har gektar maydon uchun vegetatsiya davrida g‘o‘zani sug‘orish maqsadida 200 metr bo‘ylama va 200 metr ko‘ndalang pal olish keltirilgan bo‘lib, unda texnologik jarayon qo‘l mexnati asosida IV razryad bo‘yicha 1 metr uchun 150,05 so‘m rejalashtirilgan. Mazkur summa 200 metr bo‘ylama pol uchun hisoblansa, 1 gektar maydonga 30010 so‘m xarajat to‘g‘ri keladi. Agar 1 ta ishchi bir ish kunida qo‘l mexnati bilan 270-280 m. Pal qo‘yishini inobatga olsak, o‘rtacha 10 gektarli konturda bo‘ylama pol olish uchun 7,3 kishi/smena mehnat sarflaydi yoki bo‘ylama polning o‘ziga 300 100 so‘m ish haqi olishi kerak. Bu o‘z navbatida fermer xo‘jaligi iqtisodiga nisbatan xarajatli hisoblanadi..