Mamlakatimiz Prezidenti Sh. M. Mirziyoev barcha sohalarni jumladan ta’lim tizimini tubdan isloh qilishga katta e’tibor qaratayotgani ta’lim tizimi sohasida tub burilash yasamoqda desak mubolag‘a bo‘lmaydi

BIRINCHI BOB BO‘YICHA XULOSALAR
Xulosa o‘rnida shuni takidlash lozimki muloqot o‘quvchining shaxs bo‘lib rivojlanishida katta ahamiyatga ega. Muloqotciz shaxsning tarkib topishi, shakllanishi mumkin emas. Aynan muloqot jarayonida tajriba o‘zlashtiriladi, bilimlar to‘planadi, amaliy ko‘nikma va malakalar shakllanadi, e’tiqod va qarashlarga erishiladi. Faqat muloqot jarayonidagina ma’naviy ehtiyojlar, ahloqiy, siyosiy va estetik hislar tarkib topadi, harakter shakllanadi.
Bugungi kunda ta’lim jarayonining bosh maqsadi o’quvchilarni uzluksiz rivojlantirib borgan holda ularni ijtimoiy hayotga tayyorlashdan iboratdir. Ijtimoiy munosabatlarga kirishning eng muhim belgisi esa muloqat madaniyatida namoyon bo’ladi. Shuning uchun muloqot madaniyatini shakillantirish, bilimdonlikka oid ko’nikmalarni boshlang’ich sinflardan boshlab rivojlantirib borish bugungi kunda tobora ko’proq ijtimoiy ahamiyat kasb etmoqda.
Muloqotning maqsadi va uning qay darajada amalga oshirilishiga ko‘ra samaradorligi haqida fikr bildirish mumkin. YA’ni muloqot ehtiyojlaridan kelib chiqib, uning qondirilishi, muammo echimi bilan bog‘liq vazifalarning bajarishiga asoslanib, muloqotning samarali yoki samarasizligi to‘g‘risida hulosa chiqarsa bo‘ladi.
O‘quvchilarning o‘zaro munosabati o‘zaro bir-birlarini tushunishga olib kelsa, bunday o‘zaro munosabatlar samarali va foydali hisoblanadi. Muomalaga kirishuvchi tomonlarning o‘zaro bir-birlarini tushunishga olib keluvchi yo‘l yoki marom o‘z navbatida o‘sha shaxslarning o‘zaro bir-birlarini mavqe bo‘yicha bilishni ta’minlaydi. Muloqotning psixologik tizimidan shu narsa ma’lumki, uning uch asosiy qismi, ya’ni muomala sub’ektlarining o‘zaro bir-birlari bilan axborot, hissiy kechinmalar va fikr almashinuvini ta’minlovchi kommunikativ, o‘zaro bir-birlarining hulq-atvorlariga ta’sirlarini belgilovchi interaktiv va bir-birlarini to‘g‘riroq, aniqroq idrok qilish va baholashlarini ta’minlovchi perseptiv tomoni mavjud.
Ushbu jarayonning har bir tomoni muomalaning zaruriy va muhim tarkiblari hisoblanib, uning uchinchi bo‘lagi shaxslararo ta’sir o‘tkazish uchun juda muhim muomalaga kirishuvchi shaxslar bir-birlarini yahshi tushunishlari uchun, avvalo suhbatdoshning o‘zi, hissiy kechinmalarini idrok qilgan holda fikran uning mavqeida tura bilishi, o‘zining uning o‘rnida his qilib, o‘zida hukm surayotgan his-tuyg‘ular doirasida uning holatiga kirishga intilish, qolaversa, bu jarayonda individual va ijtimoiy ongda mavjud bo‘lgan mutlaq stereotip, ongda o‘rnashib qolgan tasavvurlardan foydalanishi ushbu jarayon to‘g‘ri kechishini ta’minlab turadi.

II BOB. UMUMTA’LIM FANLARINI O‘QITISH VOSITASIDA O‘QUVCHILARNI MULOQOT MADANIYATINI SHAKLLANTIRISHNING SHAKL METOD VA USULLARI