Ma’lumotlar bazasini loyihalash jarayoni

Relational Database Model
Eng keng tarqalgan model, relyatsion model, ma’lumotlarni jadvallarga ajratadi. Har bir jadval ustunlar va qatorlardan iborat. Har bir ustunda biror obyektga oid atributlar keltirilgan, masalan mahsulot narx, foydalanuvchi ismi yoki tug’ilgan sanasi, pochta indeksi va hokazo. Bu atributlar birgalikda domen deb ataladi. Jadvalning qatorlari esa aynan bitta obyekt (buyum, shaxs, joy) haqidagi maʼlumotlarni saqlaydi.
Quyida biz o’quvchilar haqida maʼlumot saqlash uchun O’quvchilar jadvalini yaratdik. Jadvaladagi ID, Ism, Familiya, Telefon o’quvchining attributlari hisoblanad. Birgalikda esa attributlar domen deb ataladi.
O’quvchilar

MB bir nechta jadvallardan iborat boʻlishi tabiiy. Misol uchun Baholar haqidagi maʼlumotlarni saqlash uchun alohida jadval, O’qituvchilar uchun alohida jadval, Bitiruvchilar uchun alohida jadval va hokazo. Biror jadvalni boshqa jadvlaga bogʻlash uchun jadval attributlaridan biri (yoki attriburtlar birikmasi) primary (asosiy) kalit etib tayinlanadi. Boshqa jadvallar esa bu attributga foreign key deb murojaat qiladi.

Relational Model jadvallar oʻrtasidagi munosabatlarni ham tartibga soladi. Masalan o’quvchilar va ular olgan baholar jadvali, yoki o’qiyotgan fanlar alohida jadvallarda saqlansada, ular o’rtasidagi munosabat relational model yordamida ko’rsatiladi. Bunday munosabatlar one-to-one (birga-bir), one-to-many (birga-koʻp) yoki many-to-many (koʻpga-koʻp) koʻrinishida boʻlishi mumkin. Munosabatlar haqida birozdan keyin alohida toʻxtalamiz.

Demak yuqoridagilarning barchasi Relational Maʼlumotlar bazasining sifatlari ekan.
Keling endi bevostia loyihalash jarayoniga toʻxtalamiz.

2. Talablarni tahlil qilish: ma’lumotlar bazasining maqsadini aniqlash
Dasturchi sifatida yaratilayotgan dasturiy taʼminot, unda saqlanadigan maʼlumotlar va ularga qoʻyilgan talablarni tushunish maʼlumotlar bazasini loyihlashda ishingizni bir muncha osonlashtiradi.
Maʼlumotlar bazasiga har tomonlama qarashni unutmang. Masalan, onlayn ta’lim olish uchun baza yaratganda, bazaga o’quvchi sifatida, yoki o’qituvchi sifatida qarashingiz mumkin va bu ikkisi uchun bir hil maʼlumotlar turli koʻrinishda koʻrsatilishi kerakligini hisobga oling.
Talablar va maqsdalarni aniqlash uchun quyidagi qadamlarni bajarish mumkin:

• 
  Bazani ishlatadigan odamlardan intervyu oling
  
• 
  Hisob-fakturalar, ish jadvallari, so’rovnomalar kabi biznes hujjatlarni tahlil qiling
  
• 
  Mavjud ma’lumotlar tizimlarini oʻrganing (shu jumladan jismoniy va raqamli fayllar)
  

Mavjud maʼlumotlar istalgan koʻrinishda boʻlishi mumkin.

Navbat ma’lumotlar bazasiga kiritilishi kerak bo’lgan barcha maʼlumotlarni yig’ib, ularni turlarga ajratish: shaxslar, joylar, buyumlar, o’quvchilar, fanlar, hodisalar va hokazo. Har bir turdagi maʼlumotlarning attributlarini ham aniqlab oling:
O’quvchilar

• 
  Ism
  
• 
  Manzil
  
• 
  Shahar, tuman, viloyat
  
• 
  E-pochta manzili
  
• 
  Telefon raqami
  

Kitoblar

• 
  Nomi
  
• 
  Narxi
  
• 
  Zaxiradagi miqdori
  
• 
  Buyurtma miqdori
  

Buyurtmalar

• 
  Buyurtma ID
  
• 
  Buyurtmani qabul qilgan sotuvchi
  
• 
  Sana
  
• 
  Kitoblar
  
• 
  Miqdor
  
• 
  Narx
  
• 
  Jami
  

Keyinchalik bu ma`lumotlar bevosita MB jadvallarini shakllantirishda ishlatiladi. Maʼlumotlarni imkon qadar mayda boʻlaklarga boʻling. Misol uchun, manzilni shahar, tuman, viloyat qilib ajratsangiz, kelajakda MBdagi foydalanuvhchilarni tuman, shahar yoki viloyat boʻyicha ajratib olishingiz qulay boʻladi.
Yana bir muhim jihat, bitta maʼlumotni bir nechta jadvalda qayta saqlashdan ogoh boʻling.
Tasavvur qiling, sizda o’quvchilar va bitiruvchilar degan jadvallar mavjud va siz biror shaxs haqidagi maʼlumotlarni ikkalasida ham saqlayabsiz. Agar bu shaxsning maʼlumotlari bitta jadvalda yangilansa (masalan telefon raqam oʻzgarsa), siz ikkinchi jadvalni ham yangilashingizga toʻgʻri keladi. Bu esa ortiqcha ish. Buning oldini olish uchun foydalanuvchilar uchun bitta jadval yaratib, bu o’quvchi bitiruvchi yoki yoʻqligini attribut sifatida koʻrsatish mumkin.
Ma’lumotlar bazasi qaysi turdagi ma’lumotlarni o’z ichiga olishi, bu ma’lumotlar qayerdan olinishi va ulardan qanday foydalanilishini oʻrganganingizdan soʻng, siz haqiqiy ma’lumotlar bazasini rejalashtirishga tayyor bo’lasiz.