Malakasini oshirish instituti tabiat bilan tanishtirish

Yosmin, arab yosmini, sambak
(Zaytunlar oilasi), Vatani — tropik Osiyo. Poyasi 
sal jingalaklanib, uzun-uzun, ingichka bo’lib o’sadigan doimo yashil buta, poyasi 
juft-juft bo’lib joylashadigan, tuxum shaklida bo’ladigan och rangli maydaroq barglar 
va yulduzsimon shaklda bo’ladigan xushbo’y oq gullar chiqaradi, gullari oddiy yoki 
seryaprrq bo’ladi. Yosmin yorug’ xona bo’lishini, qishda o’rtacha miqdorda, yozda 
mo’l-ko’l sug’orib, suv purkab turishini talab qiladi. Bahorda yosminni 4:2:1 
nisbatdagi barg chirindisi, chim tuprog’i va qumdan iborat tuproq aralashmasiga olib 
o’tqaziladi (yosh o’simliklarni har yili, qarilarini 2—3 yilda bir marta). Yaxshiroq 
gullaydigan bo’lishi uchun qari novdalarini 6—8 juft barglari oralab chimdib turish 
kerak. Yosmin qalamchalardan ko’paytiriladi. Bu o’simlik ko’pincha o’rgimchak 
kana bilan zararlanadi, uni zararkunandalardan saqlash uchun vaqt-vaqtida yuvib 
turiladi.