Maktabgacha va boshlang’ich ta’lim fakulteti

Sonni o`rganish darslarini kuzatish bo`yicha ko`rsatmalar.
Darsning yangi mavzu ustida ishlash qismi bo`yicha:
1. Sonni tushuntirishda o`quvchilarning oldingi bilimlariga asoslanganligi.
2. Son qatnashgan matnda ularning otga bog`lanib kelishiga diqqat qaratilganligi.
3. Sonni tushuntirishda grammatik tahlilning tashkil etilishi va xulosalanish
4. Sonning ma’nosi, turi va gapdagi vazifasini tushuntirishda qanday ko`rgazmali qurollardan foydalanilganligi.


«Kishilik olmoshlari» mavzusini o`tish bo`yicha topshiriqlar
1. Kishilik olmoshlarining qaysi xususiyatlari tanishtirilishini aniqlab yoriting.
2. Kishilik olmoshlari yuzasidan hosil qilinadigan bilim, ko`nikma va malakalarni yozing. Bunda ona tili dasturi va «Ona tili» (4-sinf) darsliklaridan foydalaning.
3. Kishilik olmoshlarini tushuntirish bo`yicha metodikada qanday tavsiyalar berilganini aniqlang. O`zingiz ham birorta interfaol usul tanlab, uning samaradorligini yoritib bering.
4. Kishilik olmoshlarining kelishiklar bilan turlanishini o`rgatishda qaysi holatlarning o`rgatilishini ma’qul deb hisoblaysiz. Buning uchun metodikadan ma’ruza matni va ona tili darsliklarini sinchiklab o`rganing.
5. Kishilik olmoshlarining kelishiklar bilan turlanishi bo`yicha mustahkamlashda foydalaniladigan mashqlar ishlab chiqing.


«Kishilik olmoshlari» mavzusini (4-sinf) o`tish darsini kuzatish bo`yicha ko`rsatmalar
Darsning yangi mavzu o`rganiladigan qismi bo`yicha:
1. Kishilik olmoshlarini o`rgatish uchun tanlangan gaplarning maqsadga muvofiqligi
2. Tanlangan gaplardagi kishilik olmoshlari ustida ishlash usuli, savol-topshiriqlarning izchilligi
3. Kishilik olmoshlarining birlik va ko`plik shakllarining tushuntirilishi
4. Kishilik olmoshlarining shaxs bildiruvchi otlardan farqlashga o`rgatilishi
5. Kishilik olmoshlarining shaxsdan boshqa narsalarni bildiruvchi so`zlar o`rnida qo`llanishi bilan aralashtirilmaganligi.
6. Kishilik olmoshlari yuzasidan chiqarilgan xulosalarda o`quvchi faolligi