Maktabgacha va boshlang’ich ta’lim fakulteti

Mavzu: Narsa va shaxsning belgisini bildirgan so`zlar haqida tushuncha
Maqsad. Narsa va shaxs belgisini bildirgan so`zlarning tilimizdagi ahamiyati haqidagi o`quvchilar tasavvurini chuqurlashtirish; bunday so`zlarga savol berish ko`nikmasini o`stirish.
Darsning borishi.
Darsning maqsadini aytish.
Biz bu darsda yangi mavzuni o`rgana boshlaymiz. Mavzuning nomini darslikdan o`qing.
Narsa va shaxsning belgisini bildirgan so`zlar qan­day?, qanaqa? so`rog'iga javob bo`lishi bilan tanishtirish.
O`quvchilar 238-mashqni bajaradilar. Bunda o`qituvchi bolalar rasmda nimalarni ko`rayotgani, shu narsalarning qan­day belgilari borligini suhbat orqali aniqlashga e'tiborni jalb etadi.
Rasmda nima (qanday shahar) tasvirlangan? (Katta, chiroyli shahar.) Shaharda nimalarni ko`ryapsiz? (Binolarni, daraxtlarni, ko`chani...) Qandaybino? (Baland, ko`rkam bino.) Qanaqa daraxt? (Baland, yam-yashil, chiroyli, sershox daraxt.) Qanday ko`cha?(Katta, keng ko`cha.) Siz shaharni, binoni, daraxtni, ko`chani tasvirlash uchun qaysi so`zlardan foydalandingiz? Shu so`zlarga. so`roq bering. (O`quvchilar foydalangan so`zlarini aytib, ularga qanday? yoki qanaqa? so`rog'ini beradilar. Ular qiynalgan o`rinda o`qituvchi so`roqlar bilan yordam beradi.)
Xulosalash.
Siz shaharni, ko`chani, daraxtni, binoni qandayligini tasvirlash uchun qanday?, qanaqa? so`rog'iga javob bo`lgan so`zlardan foydalandingiz. Qanday?, qanaqa? so`rog'iga javob bo`lgan so`zlar shu narsalarning belgisini bildiradi.
O`quvchilar mashqda berilgan namunaga qarab, savollarga bergan javoblarini yozadilar. Darslikdagi qoidani o`qiydilar.
III. Matnni kuzatish. O`quvchilarni qanday?, qanaqa? so`rog'iga javob bo`lgan so`zlarning (sifatning) tildagi ahamiyatini tushunishga tayyorlash.

1. 
   239-mashq. Topishmoqlarning javobini toping.
   

Usti yo`l-yo`l sariq, ko`k,
Beqasamga o`xshaydi.
Shirinligi til yorar,
Hidi o`tkir, bo`yi past.
Bu handalak ekanini topishingizda sizga qaysi so`zlar yordam berdi?