Мактабгача таълимни ривожлантиришда

1-жадвал. Методиканинг педагогик технологиядан фарқлари

ли вазият берилади. Болалар бу метод ёрдамида реал ҳаёт ҳолатларини жонлантирадилар. Баҳсмунозара методида болаларга бир кун олдин мавзу берилади. Болалар саволларга отаоналаридан сўраб жавоб топиб келадилар ҳамда берилган саволларга жавоблар «баҳсмунозара» асосида олиб борилади.
Ҳозирги кунда педагогик технология ҳақидаги аниқ тушунча ва тасаввурлар бор бўлсада, мактабгача таълим муассасалари педагогларида технологияни методикадан фарқлай олмаслик каби муаммолар учрайди. Ваҳоланки, улар орасида жиддий фарқлар мавжуд бўлиб, қуйида улар ҳақида назарий маълумотлар берилган.
Педагогик технология – болани мустақил ижод қилиш, билим олиш, фикрлашга ўргатишни кафолатлайдиган жараёндир.
Методика – педагогнинг билими, кўникмаси, маҳорати, шахсий сифатлари, темпераментига боғлиқ бўлиб, маълум шахс, педагог учун қулай бўлган ўқитиш усуллари ва йўллари мажмуидир. У алоҳида методикаларга ажратилади. Педагогика фани маълум ўқув фанларини ўқитиш қонуниятларини тадқиқ қилади. Масалан, тиллар методикаси, арифметика методикаси ва шу кабилар.
Методиканинг педагогик технологиядан фарқини тушуниш ва амалда ҳар иккисидан унумли фойдалана билиш талаб этилади. Улар орасидаги фарқлар 1-жадвалда келтирилган.
«Педагогик технология» тушунчаси хусусий фанлар ва маҳаллий даражалардаги ўқитиш методикалари тушунчаси билан мос келадиган ҳоллар хусусий даражадаги педагогик технологияларга тегишли.
Технологияларда кўпроқ процессуал, миқдо рий ва ҳисоб-китоб компонентлари ифодаланса, методикаларда мақсад, мазмун, сифат ва вариантли йўналтирувчи томонлари кўпроқ ифодаланади.
Технология методикалардан ўзининг қайта тикланувчанлиги, натижаларининг турғунлиги, кўплаб «агар»лар (агар тарбиячи истеъдодли, агар болалар қобилиятли бўлса, агар яхши ота-оналар бўлса...) йўқлиги билан фарқ қилади. Яъни, технология тегишли тайёргарликка эга бўлган ҳамма мутахассислар томонидан қайта тиклаш ва қўллаш мумкинлиги билан жуда ҳам индивидуал бўлган методдан фарқ қилади.

Йўналиш: Билиш жараёни, атроф-олам тўғрисидаги билимларга эга бўлиш ва уни англаш. Машғулот мавзуси: Ҳаво билан таништириш.
Мавзу мақсади: Болаларни теварак-атроф билан таништириб бориш, ҳаво ҳақидаги тасаввурларни шакллантириб бориш, луғат бойлигини ошириш, бадиий-эстетик қарашлари ва мустақил ижодий қобилиятларини ривожлантириш. Вазифалари: 1. Таълимий: болаларнинг ҳаво ҳақидаги тасаввурларини шакллантириш. 2. Тарбиявий: ҳаво ва сув билан ишлашда эҳтиёткорликни тарбиялаш. 3. Ривожлантирувчи: болаларнинг амалий тажрибаларни ўтказиш асосида мустақил хулоса чиқариш ва фикрлаш доирасини кенгайтириш.	Болалар эгаллаши лозим бўлган асосий тушунчалар: ҳаво ҳақида маълумотга эга бўлиш; ҳавони тутиш усулини ўрганиш; ҳаво хусусиятларини билиб олиш; - инсон танаси ичида ҳам ҳаво мавжудлигини тажрибалар орқали аниқлаш.
Машғулотнинг технологик харитаси: · Ҳаво ҳақида нималарни биласиз? · «Ақлий ҳужум» – 3 дақиқа (топишмоқ орқали) · Лабораторияда ҳаво орқали тажрибалар ўтказиш – 20 дақиқа · Энержайзер – 3 дақиқа · Рефлекция – 4 дақиқа	Машғулот учун керакли жиҳозлар: полиэтилен халталар (болалар сонига қараб), гуаш (бўёқлар), шарлар, стакан ва найча, сандиқча, тоғорача, тош, тахтача ва майда предметлар.