Maktabgacha ta`lim

 
9.4.  Ochiq mashg’ulot va tadbirlarni uyushtirish. 
 
Ochiq  ta`lim  -  tarbiyaviy  tadbirlar,  tarbiyachilarning  bir  -  birlarining 
guruxlariga kirishlari eng yaxshi tarbiyachilar ish usullari va metodlari zaminidagi 
aniq  dolzarb  g’oyalarni  ochib  berish,  asoslash  va  amalda  joriy  qilish  maqsadida 
o’tkaziladi. 
Ko’rilganlarni  tahlil  qilishda  uslubchi  tajribani  mexanik  qabul  qilish 
mumkin  emasligini  va  lozim  emasligini,  u  izlanish  va  fikr  yuritishni  keltirib 
chiqarishi zarurligini, faqat ana shundagina ko’r - ko’rona taqlid emas, balki ijodiy, 
ongli  o’zlashtirish  mumkin  bo’lishi  ta`kidlab  o’tiladi.  Shu  bilan  birga  tajribani 
zo’rma - zo’raki joriy qilib bo’lmaydi, g’oyani tushuntirish, propaganda qila bilish, 
yangilikka  jalb  eta  bilish  muhimdir.  Tajribali  metodistda  vaqti  kelib  yaыgi 
g’oyalarni  sezuvchi  kasb  sezgisi  va  tarbiyachilarni  izlanishlarga  ilhomlantiruvchi 
qobiliyat  yuzaga  keladi.  Tajriba  almashish  yuqori  amaliy  -  praktik  darajada  olib 
borilishi  muhimdir.  Bu  muammoni  chuqur  va  har  tomonlama  o’rganish,  uning 
g’oyalarini  amaliyotga  joriy  qilishnigina  emas,  balki  yangi  bilim,  ta`lim  va 
tarbiyaning yangi metod va usullarining hosil bo’lishi ham demakdir. 
Pedagogik  tahlil  metodi  murakkab,  shuning  uchun  ham  uslubchi  uni 
mukammal  egallagan  bo’lishi  zarur  va  bu  metodikani  har  bir  tarbiyachiga 
o’rgatishga majbur. 

---

 
99 
Amaliyot ochiq tadbirlar va guruxlarga o’zaro kirishlar maktabgacha ta`lim 
muassasasida olib borilayotgan metodik ishning organik tarkibiy qismiga aylangan 
hollarda  barcha  tarbiyachilarning  pedagoglik  mahoratining  ortishiga  amaliy  ta`sir 
ko’rsatishini,  ijodiy  ko’tarinkilik,  izlanish  va  tizimli  tarzda  tajriba  almashish 
muhitini  yaratishini  ko’rsatmoqda.  Metodik  topilma  va  muvaffaqiyatlarni  tanlash 
hamda tekshirish — pedagoglar jamoaining kundalik eng muhim ishlaridan biridir. 
V. A. Suxomlinskiy maktabda pedagogik topilma, kichik kashfiyotlarning daftarini 
tutishni tavsiya qilgandi. 
Amaliyotda  metodik  o’qishning  maktabgacha  yoshdagi  bolalarga  ta`lim-
tarbiya  berish  masalalari  bo’yicha  ilmiy  tadqiqotlar  hamda  ilg’or  pedagogik 
tajribaning  natijalarini  aks  ettiruvchi  eng  yangi  psixologik  -  pedagogik 
adabiyotning obzori kabi shaklidan foydalaniladi. 
Maktabgacha  ta`lim  muassasasida  olib  boriladigan  metodik  ishning  barcha 
tur  va  shakllari  tegishli  hujjatlarni:  metodik  tavsiyalar,  namuna  ishlanmalari, 
ma`ruzalar,  vitrina  va  ko’rgazmalarni  tashkil  qilish  bilan  yakunlanishi  kerak. 
Masalan,  «Rejalashtirishga  doir  maslahatlar»,  «Bolalar  hayoti  va  sog’lig’ini 
muhofaza qilishga doir eslatmalar» va shu kabilar. 
 
Nazorat savollari:  
 
1. Ta`lim – tarbiyaviy ishlarni tashkil etishning shakli va usullarini izohlang. 
2. Pedagogik jarayonlarni rejalashtirishda uslubchining raxbarligi nimalarda deb 
bilasiz. 
3. Uslubchi tomonidan nazorat turlari va nazorat qilish metodikasi. 
4. Uslubchining ochiq mashg’ulotlarni tashkil etishdagi roli. 
 
Testlar