Maktabgacha ta`lim

M  a  sh  g’  u  l  o  t  n  i  n  g      b  o  sh  l  a  n  i  sh  i.  Bolalarning  o’yindan 
mashg’ulotga  o’tishi  odatda  bola  psixikasining  bir  faoliyatdan  osongina 
ikkinchisiga  o’tishi  tufayli  tezda  amalga  oshiriladi.  Faoliyatni  almashtirish 
ko’nikmasi  kichik  maktab  yoshidayoq  shakllanadi,  buning  uchup  tarbiyachining 
og’zaki murojaati kifoya. 
Mashg’ulotning boshida uni tashkil etishda tarbiyachi tomonidan qo’yiladigan 
va  hal  etiladigan  asosiy  didaktik  vazifasining  mohiyatini  ochishdan  iboratdir.  Bu 
vazifalar  turli  yosh guruhlarida  turlicha  hal  etiladi. Kichik  guruhlarda  bolalarning 
mashg’ulotlarga  qiziqishi  materialning  -  rasmlar,  o’yinchoqlar,  buyumlar  va 
bolalar  shug’ullanishi  kerak  bo’lgan  ashyolarning  bezakdorligi  tufaylidir. 
Mashg’ulotda  o’yin  usullari  va  o’yin  vaziyatlaridan  foydalaniladi.  Bo’larning 
barchasi  kichkintoylarning  ixtiyoriy  diqqatini  jalb  qilishga  qaratilgandir.  Bilishga 
oid  qiziqish  etarlicha  rivojlangan  katta  tarbiya  yoshidagi  bolalar  guruhlarida 
mashg’ulot mavzui yoki uning asosiy maqsadini e`lon qilish kifoya. Katta tarbiya 
yoshidagi  bolalar  zarur  vaziyatni  tashkil  qilishga  jalb  etiladilar,  bu  ham 
mashg’ulotga  bo’lgan  qiziqishning  uyg’onishiga  yordam  beradi.  Biroq  katta 
tarbiya  yoshidagi  bolalarning  mashg’ulotga  diqqati  va  qiziqishini  uyg’otishda 
o’quv vazifalarini qo’yishning mazmuni va tabiati asosiy ahamiyatga ega bo’ladi. 
Vazifani umuman (yoki faqat uning bir qismini) qo’yish mashg’ulot boshida 
uni bajarish usulini ko’rsatish yoki tushuntirish yo’li bilan olib boriladi. Masalan, 
tarbiyachi  vazifani  tushuntirayotib,  shunday  deydi:  «Bugun  siz  bog’ning  qishki 
ko’rinishini chizasiz. Har bir kishi avval nimani qanday izchillikda chizishni o’ylab 
olishi,  so’ng  chizishga  kirishmog’i  lozim».  Ba`zan  vazifani  tushuntirish  harakat 
usulini bolalar  ishtirokida  bajarib  ko’rsatish  bilan olib  boriladi. 
Bolalar asta-sekin mashg’ulotlardagi muayyan harakat qoidalariga o’rgatiladi. 
Tarbiyachi bolalarga bu qoidalarni mashg’ulotni tashkil etish chog’ida ham, uning 
boshlanishida ham eslatadi.