Maktabgacha ta’lim tizimida psixologik xizmatni tashkil etish. Umumiy qoidalar

Maktabgacha ta’lim tizimida psixologik xizmatni tashkil etish.


1.Umumiy qoidalar.

1.Psixologik xizmat maktabgacha ta’lim tizimining muhim tarkibiy qismi xisoblanadi.
2.Psixologik xizmat mutaxassislari barcha muammolarni xal qilishda xar qaysi shaxs (pedagog, bola, ota-ona) manfaati va uning xar tomonlama garmonik rivojlanishidan kelib chiqqan xolda yondoshadi.
3.Psixologik xizmat ko`rsatish faoliyati maktabgacha ta’lim muassasasini xozirgi zamon psixologiya fani yutuqulari bilan ilmiy - uslubiyat bo`yicha ta’minlashga, insonning shaxsiy va intellektual (aqliy) jihatidan rivojlanishini diagnostika qilishga, ta’lim va tarbiyadagi psixologik nuqsonlarni aniqlashga, eng muhimi mavjud kamchilik va nuqsonlarning oldini olish(profilaktika)ga yo`naltirilgan bo`lishi kerak.
4.Xalk ta’limi tizimidagi psixologlarning faoliyati psixologik maslaxat, psixokorreksiya, psixodiagnostika, ijtimoiy, pedagogik bolalar psixologiyasi sohalari bo`yicha umumpsixologik tayyorgarlik olgan, psixologik ixtisosga ega bo`lgan mutaxassislar tomonidan amalga oshiriladi.
5.Xalq ta’limi tizimidagi psixologik xizmatning maqsadi shaxsni to`laqonli psixologik xar tomonlama garmonik taraqqiyotini ta’minlovchi optimal shart-sharoitlar yaratishdan iboratdir. Psixologik xizmatda tadqiqot va ta’sir ko`rsatuvchi ob’ekti maktabgacha ta’lim yoshidagi bolalar, pedagoglar, ota-onalar bo`lib xisoblanadi. Ularni alohida yoki guruhiy shaklda tadqiq qilish mumkin. Psixologik xizmatning mazmuni:

a) psixoprofilaktika;

b) psixologik maorif, ma’rifat;
v) psixodiagnostika;
g) psixologik rivojlantirish va psixokorreksiya;
d) psixologik maslaxat,

b.Psixologik xizmat usullari turlicha bo`lishi mumkin:

a) ma’ruzalar turkumi va trening mashg`ulotlari o`tkazish;
b)ilmiy ommabop adabiyotlarni yaratish va ularni tarqatish;
v) ommaviy axborot vositalarida chiqishlar uyushtirish;

g) psixotashxis tadqiqotlar o`tkazish, metodikalar ishlab chiqish(test, savolnomalar, tajriba, kuzatish, suxbat va boshqalar);

d) psixologik maslaxatlar o`tkazish;
e) ta’lim -tarbiya dasturlaridan foydalangan xolda psixologik treninglarni
amalga oshirish.