Мактабгача таълим муассасалари учун жамоа шартномаси макети

II. MUASSASANING IQTISODIY FAOLIYATI


16. Taraflar mehnat vazifalarining halol va sifatli bajarilishi xodimlar farovonligining negizi ekanligini e’tirof etadilar.
17. O‘zbekiston Respublikasining “Ta’lim to‘g‘risida”gi qonuni, “Kadrlar tayyorlash milliy dasturi”, boshqa meyoriy hujjatlar asosida ta’lim jarayonini tashkil qilish ish beruvchining majburiyatidir. Bu masalada ish beruvchi kasaba uyushmasini kutilayotgan tashkiliy o‘zgarishlar, ish haqi va mehnat sharoiti yuzasidan amalga oshirilishi mo‘ljallanayotgan tadbirlar to‘g‘risida xabardor qilib turadi.
18. “Yangi O‘zbekistonni 2022-2026 yillarda rivojlantirish strategiyasi”ga muvofiq ishlab chiqarish xarajatlarini kamaytirish, mahsulot tannarxini pasaytirish hamda Muassasa sha’niga putur yetkazish qaltisliklarini oldini olish buyicha chora-tadbirlar amalga oshirilishiga har tomonlama ko‘maklashish majburiyatini olgan holda taraflar:
-ta’lim sohasida ilg‘or pedagogik texnologiyalarni rivojlantirish, ta’lim sohasidagi yangi loyihalarini amalga oshirishga yo‘naltirilgan faol investitsiya siyosatini amalga oshirish;
-energiya resurslarlari sarfini pasaytirish orqali mehnat unumdorligini oshirish;
-jamoa muzokaralarini olib borish huquqi, bolalar mehnati va majburiy mehnatni taqiqlash, teng ahamiyatli mehnat uchun erkak va ayol mehnatkashlarga teng haq to‘lash, mehnat munosabatlari sohasida kamsitmaslik prinsiplariga rioya etishlari nuqtai nazaridan lozim darajada ehtiyotkorlik qilish;
-moslanuvchan narx-navo siyosatini amalga oshirish xususida kelishib oldilar.
19. Shu maqsadda Ish beruvchi:
a) muassasaning muvaffaqiyatli faoliyat yuritishga, mexnat madaniyati va intizomi ko‘tarilishiga erishish, xodimlarning kasb maxoratini oshirish, tarif stavkalarining amaldagilarga nisbatan pasayishiga yo‘l qo‘ymaslik;
b) ta’lim tarbiya jarayonida mexnat jamoasini moddiy-texnik resurslar va moliyaviy mablag‘lar bilan o‘z vaqtida ta’minlab borish;
v) mexnat unumdorligini yuksaltirish, ilg‘or tajribani o‘zlashtirish, fan va texnika yutuqlarini, zamonaviy axborot texnologiyalarni amaliyotga joriy etish uchun barcha shart-sharoitlarni yaratish;
g) muassasaning moliyaviy axvoli iqtisod qilingan va qo‘shimcha ishlab topilgan mablag‘lar xamda ishlatilishi xaqida mexnat jamoasini muntazam xabardor qilib borish;
d) muassasa xodimlari uchun kasbiy tayyorgarlik, boshqa kasbga o‘rgatish, malaka oshirish ishlarini olib borish;
i) jamoa shartnomasini tuzishga, uning bajarilishi ustidan nazoratni yo‘lga qo‘yishga, shuningdek O‘zbekiston Respublikasining Mexnat Kodeksida, boshqa qonunlarida xamda mazkur jamoa shartnomasida nazarda tutilgan boshqa masalalarga oid ma’lumotlarni Kasaba uyushmasi qo‘mitasiga taqdim etib borish;
j) belgilab qo‘yilgan mexnat tartibi doirasida Kasaba uyushmasi qo‘mitasi bilan xamkorlik qilish, sho‘aro takliflar va talablarni o‘z vaqtida ko‘rib chiqish, mexnat nizolarini muzokara yo‘li bilan xal etish;
z)muassasani boshqarishda xodimlarning amaldagi qonunlarga zid bo‘lmagan shakllardagi ishtirokini ta’minlash uchun shart-sharoitlar yaratish;
i) Kasaba uyushmasi qo‘mitasi raisini pedagoglar kengashi a’zolari tarkibiga kiritish;
k)ilg‘or pedagogik texnologiyalarni rivojlantirish;