Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Rasmlar asosida gap tuzishga o’rganadilar.

Grammatik jihatdan to’g’ri so’zlashga intiladi

Kerakli jihozlar:

Turli mavzularda rasmlar

Mashg’ulotning borishi. Tarbiyachi: Bugun bolalar, siz bilan “F” tovushi ishtirok etgan rasmlarni ko’ramiz, ular haqida gap tuzamiz.

-Bu qanday hayvon (fil)

-Men fil haqida gap tuzdim. “Цirkda fil ko’rdim.”

-Siz fil haqida qanday gap tuzgan bo’lar edingiz?

(Bolalar javoblari: Hayvonot bog’ida fil ko’rdim; men fil yasadim... )

-Barakalla, bolalar, hozir men sizga rasmlar tarqataman. Siz rasmga qarab gap tuzasiz. Tuzgan gapingizda “F” tovushi ko’proq uchrashiga harakat qiling.

Tarbiyachi: - Shahzoda, senda qanday rasm bor, nomla.

Shahzoda:-menda tufli rasmi bor.

Tarbiyachi: tufli so’zida “F” tovushi so’zning qaerida kelyapti?

Shahzoda: tufli so’zida “F” tovushi so’zning o’rtasida kelyapti.

Tarbiyachi: tufli so’zini bo’g’inga bo’l.

Shahzoda: tuf-li

Tarbiyachi:- tuf-li so’zi necha bo’g’in ekan?

Shahzoda: tuf-li so’zi ikki bo’g’in ekan

Tarbiyachi:- tufli haqida qanday gap tuzding?

Shahzoda: - Fotimada chiroyli tufli bor.

Tarbiyachi: tuzgan gapingda nechta so’z bor?

Shahzoda: - to’rtta

Tarbiyachi: -qanday so’zlar?

Shahzoda: - “Fotimada”, “chiroyli”, “tufli”, “bor”

Tarbiyachi: -to’g’ri, Shahzoda to’rtta so’zdan iborat gap tuzdi. Fotimada chiroyli tufli bor. Gapda “Fotimada” birinchi so’z, “chiroyli” ikkinchi so’z, “tufli” uchinchi so’z, “bor” to’rtinchi so’z.

Tarbiyachi shu tariqa bolalardan “F” tovushi ishtirok etgan so’zlardan gap tuzishlarini so’raydi. Bolalarning so’zdagi tovushlarni to’g’ri talaffuz qilishlariga, tuzilgan gapda so’zlarning bog’lanishiga e’tibor beradi. Mashg’ulot davomida albatta jismoniy daqiqa o’tilishi lozim.